Qazaqstandyq tennısshi Dmıtrıı Popko Lıssabon chellendjer týrnıriniń chempıony atandy. Bul týraly QTF baspasóz qyzmeti habarlady, dep jazady Egemen.kz.
Dúnıejúzilik reıtıngte 187-orynda turǵan qazaqstandyq sportshy fınalda ıtalııalyq Andrea Pellegrınony 6:2, 6:4 esebimen jeńdi.
Eki saǵatqa jýyq sozylǵan match barysynda Popko 1 eıs jasap, 5 breık-poınttyń tórteýin paıdalandy. Qarsylasy 1 breıkten asa almady.
Bul olardyń ózara alǵashqy kezdesýi edi. Buǵan deıin D.Popko osyndaı dodanyń fınalynda eki márte óner kórsetip, jeńilip qalǵan edi. Sóıtip óz sporttyq jolynda chellendj týrnırlerindegi birinshi tabysyna qol jetkizip otyr.
Portýgalııadaǵy jarystyń qorytyndysyna sáıkes D.Popko ATP reıtıngisinde 164-orynǵa kóteriledi. Bul onyń úzdik kórsetkishi bolmaq.