2013 jylǵy 25 jeltoqsan, Astana qalasy
Memlekettik organdardyń nemese laýazymdy adamdardyń is-áreketteri men sheshimderine tártiptik jaýapqa tartylýshy memlekettik qyzmetshilermen shaǵym berý Erejesin bekitý týraly
Qazaqstan Respýblıkasynyń 1999 jylǵy 23 shildedegi «Memlekettik qyzmet týraly» Zańynyń 29-babynyń 2-tarmaǵyna jáne Qazaqstan Respýblıkasy Prezıdentiniń 1999 jylǵy 31 jeltoqsandaǵy № 321 Jarlyǵymen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný Erejesiniń 65-tarmaǵyna sáıkes, buıyramyn:
1. Qosa berilgen Memlekettik organdardyń nemese laýazymdy adamdardyń is-áreketteri men sheshimderine tártiptik jaýapqa tartylýshy memlekettik qyzmetshilermen shaǵym berý Erejesi bekitilsin;
2. Qazaqstan Respýblıkasy Memlekettik qyzmet isteri agenttiginiń Inspeksııa jáne baqylaý bólimi (Q.A. Japaqov) osy buıryqty Qazaqstan Respýblıkasynyń zańnamasynda bekitilgen tártippen Qazaqstan Respýblıkasy Ádilet mınıstrliginde memlekettik tirkelýdi jáne keıinnen ony buqaralyq aqparat quraldarynda resmı jarııalaýdy qamtamasyz etsin.
3. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi.
Tóraǵa A.BAIMENOV.
Qazaqstan Respýblıkasynyń Memlekettik qyzmet isteri agenttigi Tóraǵasynyń
2014 jylǵy 26 jeltoqsandaǵy №06-7/188 buıryǵymen bekitildi
Memlekettik organdardyń nemese laýazymdy adamdardyń is-áreketteri men sheshimderine tártiptik jaýaptylyqqa tartylýshy memlekettik qyzmetshilermen shaǵym berý
Erejesi
1. Jalpy erejeler
1. Memlekettik organdardyń nemese laýazymdy adamdardyń is-áreketteri men sheshimderine tártiptik jaýaptylyqqa tartylýshy memlekettik qyzmetshilermen shaǵym berý Erejesi (budan ári - Ereje) «Memlekettik qyzmet týraly» Qazaqstan Respýblıkasy Zańynyń 29-babynyń, sondaı-aq Qazaqstan Respýblıkasy Prezıdentiniń 1999 jylǵy 31 jeltoqsandaǵy № 321 Jarlyǵymen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný qaǵıdalarynyń 65-tarmaǵynyń talaptaryn iske asyrý maqsatynda ázirlengen.
2. Ereje memlekettik organdardyń nemese laýazymdy adamdardyń is-áreketteri men sheshimderine tártiptik jaýaptylyqqa tartylýshy memlekettik qyzmetshilermen (budan ári - qyzmetshi) joǵary turǵan memlekettik organdarǵa, joǵary turǵan laýazymdy adamdarǵa, memlekettik qyzmet isteri jónindegi ýákiletti organǵa (budan ári – ýákiletti organ) shaǵym berý tártibin belgileıdi.
2. Memlekettik organdardyń nemese laýazymdy adamdardyń is-áreketteri men sheshimderine tártiptik jaýaptylyqqa tartylýshy qyzmetshilermen shaǵym berý tártibi
3. Qyzmetshi memlekettik organdardyń nemese laýazymdy adamdardyń is-áreketteri men sheshimderine joǵary turǵan memlekettik organdarǵa, joǵary turǵan laýazymdy adamdarǵa, ýákiletti organǵa shaǵym beredi, egerde:
1) qyzmetshi oǵan qoldanylǵan tártiptik jazamen kelispegende;
2) qyzmetshiniń quqyǵy, bostandyǵy jáne zańmen qorǵalatyn múddeleri buzylsa;
3) qyzmetshi memlekettik qyzmet týraly zańnamanyń buzylýymen tártiptik jaýaptylyqqa tartylsa.
4. Joǵary turǵan memlekettik organǵa, joǵary turǵan laýazymdy adamǵa, ýákiletti organǵa qyzmetshiniń ótinishi «Jeke jáne zańdy tulǵalardyń ótinishterin qaraý tártibi týraly» Qazaqstan Respýblıkasynyń Zańymen belgilengen tártipte qarastyrylady.
5. Qyzmetshiniń ótinishinde onyń aty-jóni, sondaı-aq tilegi boıynsha ákesiniń aty, poshtalyq meken-jaıy, sýbektiniń ataýy nemese laýazymy, laýazymdy adamdardyń aty-jónderi, kimniń is-áreketteri, sheshimderi shaǵymdanyp jatqandyǵy, ótinishtiń sebepteri jáne talaptary kórsetiledi.
О́tinishke aryz ıesi qol qoıady ne ol elektrondyq sıfrlyq qoltańbamen kýálandyrady.
6. О́tinishti qaraıtyn laýazymdy adamdar, óz quzyreti sheginde:
1) ótinishterdi obektıvti, jan-jaqty ári ýaqtyly qaraýdy qamtamasyz etedi;
2) qyzmetshiniń buzylǵan quqyqtary men bostandyqtaryn, zańmen qorǵalatyn múddelerin qalpyna keltirýge baǵyttalǵan sharalardy qabyldaıdy;
3) ótinishti qaraý nátıjeleri týraly qyzmetshini habardar etedi.
7. Qyzmetshi onyń ótinishin qaraý nátıjelerimen kelispegen jaǵdaıda, onyń ótinishi boıynsha qabyldanǵan sheshimdi joǵary turǵan memlekettik organǵa, joǵary turǵan laýazymdy adamǵa nemese sotqa shaǵym bere alady.
Buıryq Qazaqstan Respýblıkasynyń Ádilet mınıstrliginde 2014 jylǵy 27 qańtarda Normatıvtik quqyqtyq kelisimderdi memlekettik tirkeýdiń tizilimine №9096 bolyp engizildi