Paıdalanylmaıtyn oq-dáriler joıylady

Oq-dári qoımalaryn tekserý barysy týraly Qor­ǵanys mınıstrligi Bas ıns­peksııasy bastyǵynyń baıan­damasy qaraldy. Inspek­sııalaýdyń aralyq nátıjesi boıynsha qazirgi ýaqytta sheshilmegen negizgi másele túgendeý nátı­jesinde áskerı múlik retinde paıdalanylmaıdy dep tanylǵan oq-dárilerdi kádege jaratý bolyp tabylady.

Zań júzinde oq-dárilerdi kádege jaratý jónindegi jumysty ýákiletti organ – Indýstrııa jáne ınfra­qurylymdyq damý mınıstr­ligi júrgizedi. Bul rette oǵan vedomstvolyq baǵynysty uıymdardyń oq-dárilerdi joıý boıynsha múmkindigi shekteýli. Osyǵan baılanys­ty Qorǵanys mınıstrligi paıdalanylmaıtyn áskerı múlikti qoımalar men bazalarda jyldar boıy saqtaýǵa májbúr bolady.

Oq-dárilerdi saqtaý qaýipsiz­digin qamtamasyz etý maqsa­tynda qorǵanys vedomstvosy 2021 jylǵy 30 qyr­kúıekte Úkimet qabyldaǵan № 964 qaýlyny ázirledi. Oǵan sáıkes Indýstrııa jáne ınfraqurylymdyq damý mınıstrligi Qorǵanys mınıstrligimen birlesip, saperlerdiń kúshimen paıdalanylmaıtyn oq-dárilerdi qoımalardan áskerı polı­gondarǵa shyǵarý jumysyn uıymdastyryp, joıatyn bolady. Tikeleı is-qımyl tártibin eki mınıstrliktiń birlesken buıryǵy aıqyn­daıdy.

Odan bólek qysqa daıyn­dyq máselesi qaraldy. Laýa­zymdy adamdardyń baıandamasy boıynsha turǵyn úı-kommýnaldyq sharýashylyq áskerı obektileriniń qys­qa daıyndyǵy 96,5%-dy qu­raıdy. Aýa raıy jaǵdaı­y­na sáıkes jylytý eldiń sol­tústik, ortalyq jáne shy­ǵys óńir­lerindegi áskerı qala­shyqtarda iske qosyldy. Qa­zan­dyqtar qajetti otyn qo­rymen qamtamasyz etilgen. Odan basqa, Qorǵanys mı­nıstrligi alǵash ret jy­lytý maý­symynda qyzmet kór­sete­tin personaldy mate­rıal­dyq yntalandyrýdy kóz­­dedi.

Qorǵanys mınıstri 4 qa­zan­­nan bastap áskerler­de bas­talǵan qorytyndy tek­serýdi sapaly uıymdastyrýǵa bas qolbasshylar men qolbas­shylardyń nazaryn aýdardy. Barlyq áskerı qyzmetshiler 3 apta boıy oqytý pánderi boıynsha synaq tapsyryp, ózderiniń kásibı biliktiligin rastaýǵa tıis. Mınıstr bul oqý jylyndaǵy jaýyngerlik daıarlyqty baǵalaýdyń negizgi quramdas bóligi bolatynyn atap ótti. Áskerı bólimderdiń jaýyngerlik ázir­ligi, dıver­sııaǵa qarsy jáne órtke qarsy qaýipsiz­diginiń jaı-kúıi de tekse­ri­ledi.

Odan basqa, qorǵanys vedom­stvosynyń basshysy olarǵa senip tapsyrylǵan qurama­lardaǵy, bólim­derdegi, bólim­shelerdegi ás­ke­rı tártip­tiń jaı-kúıi bo­ıyn­sha barlyq dárejedegi koman­dırlerdiń jumysyn baǵalaýǵa nusqaý berdi. «Ba­ǵy­­ny­syndaǵylar arasynda quqyq tártibin saqtaýda júıeli kemshilik bolǵan jaǵ­daıda, árbir laýazymdy adamǵa tártiptik sıpat­taǵy sharalar, tipti laýazy­myn tó­mendetýge jáne Qarý­ly Kúsh­ter qatarynan shyǵarýǵa deıingi sharalar qabyl­da­nýǵa tıis», dedi Qorǵanys mınıstri.

General-leıtenant Murat Bektanov aldaǵy aptada jer­gilikti áskerı basqarý organdarynan áskerlerge kele bas­taıtyn jas býyndy qa­byldaý jónindegi aldaǵy is-sharalardyń mańyzdylyǵyn atap ótti. Qolbasshylarǵa jer­gilikti jerlerdegi kazar­malyq-turǵyn úı qory men oqý-materıaldyq bazanyń daıyndyǵyn, jańa býyndy jınaý ákimshiliginiń keshegi áskerge shaqyrylýshylardy áskerı qyzmetke beıimdeý jónindegi júktelgen min­det­terge sáıkestigin jeke tek­­serý tapsyryldy.