Qazaqstandyqtar 2021 jyldyń 8 aıynda tólem kartochkalary arqyly 56,3 trln teńgege 4 mlrd operasııa júrgizdi, bul 2020 jyldyń osy kezeńindegi kórsetkishterden 2,2-ge, ıaǵnı 2 ese kóp, dep jazady Egemen.kz QR Ulttyq Bankiniń resmı saıtyna silteme jasap.
Tólem kartochkalary arqyly jasalǵan 10 operasııanyń 9-y qolma-qol aqshasyz oryndaldy. 2021 jyldyń qańtar-tamyz aralyǵynda qazaqstandyq emıtentterdiń tólem kartochkalary arqyly 43,2 trln teńgege 3,8 mlrd qolma-qol aqshasyz operasııa júrgizildi, bul 2020 jyldyń osy kezeńindegi kórsetkishterden tıisinshe 2,4, jáne 2,3 ese asady.
Qolma-qol aqshasyz operasııalar kóleminiń jalpy qurylymynda onlaın-operasııalardyń úlesi óskeni baıqalady. Osy jyldyń qańtar-tamyz aralyǵynda qolma-qol aqshasyz operasııalardyń 67%-y ınternet arqyly nemese mobıldi qosymshalar arqyly júrgizildi (2,5 mlrd operasııa). Halyqtyń qolma-qol aqshasyz operasııalary kóleminde onlaın-operasııalar úlesi 83%-ǵa deıin ósip, 35,9 trln teńge boldy.