Qazaqstanda Pfizer vaksınasy egiletin adamdardyń tizimi keńeıtilýi múmkin. Bul týraly Densaýlyq saqtaý mınıstri Alekseı Soı aıtty, dep habarlaıdy Egemen.kz.
«Pfizer vaksınasyna toqtalsaq, bastapqy kezeńde bul ekpeler 12 jastan bastap balalarǵa jáne júkti áıelderge arnalady. Keıin osy vaksınamen qamtylatyndar tizimin keńeıtýimiz múmkin», dedi A.Soı Májilistegi Úkimet saǵatynda depýtattar saýalyna jaýap bere otyryp.
Onyń aıtýynsha, Pfizer kompanııasynyń vaksınasy 12-17 jas aralyǵyndaǵy balalar men júkti áıelderge ruqsat etilgen jalǵyz ekpe bolyp tur.
«Osyǵan baılanysty mınıstrlik Pfizer kompanııasymen 2021 jyldyń sońyna deıin 4 mln doza vaksınany jetkizý boıynsha shartqa qol qoıdy», dedi mınıstr.