Ulttyq valıýta baǵamynyń ózgerýinen túsetin qarjyny únemdep, ony bıznesti damytý isine baǵyttaýǵa bolady. Áıtkenmen, teńge baǵamy ózgerýiniń áserin jarty jyl ótkennen keıin ǵana baıqaı alamyz. Sebebi, biz Reseı jáne sheteldik óndirýshilermen ashyq naryqta jumys istep jatyrmyz. Búgingi kúnniń ózinde seriktesterimizdiń 50 paıyzy kelisim boıynsha óz mindetterin oryndaýdy ýaqytsha toqtatyp otyr. Endi myna ózgeriske oraı olarmen jańa baılanys ornatarmyz. Negizi, qazirgi tańda kásiporynda keleshekte qandaı baǵa tóńireginde jumys júrgiziletinin anyqtaý maqsatynda arnaıy top quryldy. Osy jumys toby jaǵdaıdy zerttep, zerdelep bolǵan soń naqty sheshimder qabyldaıtyn bolamyz. Sondyqtan dál qazir osy máselede naqty pikir aıtýǵa áli erterek.
Al endi, teńge baǵamyn túzetýden túsetin qarjyny únemdep, sonyń nátıjesinde kásiporyndarymyzdy modernızasııalap, óndiristik qorlarymyzdy jańartýǵa múmkindik alǵaly otyrmyz. Qazirgi ýaqytta Úkimet Jezqazǵan óńirin damytý boıynsha sheshim qabyldaǵany belgili. Bul baǵdarlama úsh jylǵa arnalǵan. Valıýta baǵamynyń ózgerýinen únemdelgen qarjyny biz osy baǵdarlamany iske asyrý qarqynyn jyldamdatýǵa baǵyttaıtyn bolamyz. Sondaı-aq, jumysshylarymyzdyń áleýmettik jaǵdaıyn jaqsartý sharasy da basty nazarda. Demek, keler paıdanyń bir bóligi osy áleýmettik saýyqtyrý sharalaryna baǵyttalady.
Edýard OGAI,
«Qazaqmys» korporasııasy»
JShS basqarma tóraǵasy.