2021 jylǵy qańtar-qyrkúıekte ónerkásiptik óndiris ındeksi 102,7 paıyzdy qurady, dep habarlaıdy Egemen.kz.
«2021 jylǵy qańtar-qyrkúıekte 2020 jylǵy kezeńmen salystyrǵanda tamaq ónimderiniń, sýsyn, rezeńke jáne plastmassa buıymdarynyń, ózge de beımetall mıneraldyq ónimderiniń, hımııa jáne farmasevtıka ónimderiniń, jeńil ónerkásip jáne mashına jasaý óndirisiniń ósýi baıqaldy. Kómir, shıki munaı jáne tabıǵı gaz kenderiniń óndirisi tómendedi», delingen QR Strategııalyq josparlaý jáne reformalar agenttiginiń Ulttyq statıstıka bıýrosy taratqan aqparatta.
Vedomstvo málimetinshe, ónerkásiptik ónimder óndirisi kóleminiń ósýi respýblıkanyń 14 óńirinde baıqalady.
Sonymen qatar taratylǵan aqparatqa sáıkes, osy jyldyń 9 aıynda elimizde gaz kondensatyn qosa alǵanda 62,4 mln tonna munaı, 91,4 mln tonna mys kenderi, 2,3 mln tonna un, 3,5 mln tonna tenzın, 3,8 mln tonna dızel otyny, 10 mln tonna portlandsement, 2,2 mln tonna jazyq ılek, 93,9 mlrd kVt/saǵat elektr energııasy óndirilgen.