Ulttyq qaýipsizdik komıteti shekara qyzmetiniń ekonomıka jáne qarjy jónindegi dırektorynyń orynbasary Serik Áshimbaev laýazymdy qyzmetin asyra paıdalanǵany úshin qamaýǵa alyndy.
Oǵan Qylmystyq kodekstiń 380-babyna sáıkes «bılikti nemese qyzmettik ókilettikti asyra paıdalaný nemese bıliktiń áreketsizdigi» boıynsha aıyp taǵyldy. Áskerı sottyń baspasóz qyzmeti habarlaǵandaı, shekara qyzmeti dırektorynyń orynbasaryn UQK qyzmetkerleri quryqtaǵan. Budan buryn Bas áskerı prokýror Erǵalı Merzadınov S.Áshimbaevqa memleket qarjysynan 300 mln. teńge jymqyrdy degen kúdik keltirilip otyrǵanyn málimdegen bolatyn.
S.Áshimbaevtiń ústinen qozǵalǵan qylmystyq is boıynsha tergeý amaldaryn Bas áskerı prokýratýranyń arnaıy prokýrory júrgizetini belgili boldy.