Qańtar aıynda oblys ortalyǵyndaǵy Jumysshy kentinde ornalasqan turǵyn úıdi «tilsiz jaý» jalmap, saldarynan bir otbasynyń músheleri túgel opat bolǵan edi. Jantásilim etkenderdiń ekeýi – bala. Osy bir qaıǵyly oqıǵanyń izi sýymaı jatyp, kezekti tótenshe jaǵdaı Ǵ. Músirepov aýdanynda oryn aldy.
Stavropolka aýylynyń úsh balaqaıy Esil ózeni jaǵasynda syrǵanaq teýip júrip, mert boldy. Olardyń keshikkeninen seziktengen ata-analar dabyl qaǵyp, sýyt izdestirý barysynda 12-16 jastaǵy jasóspirimderdiń jansyz deneleri tabylǵan. Aldyn ala boljamǵa sáıkes balalar jar shetinde alańsyz asyr salyp júrgen kezde aýyr salmaqtan opyrylyp túsken qar kóshkininiń astynda qalyp, tunshyǵyp ólgenge uqsaıdy.
О́mir ESQALI,
«Egemen Qazaqstan».
Soltústik Qazaqstan oblysy.