Qazaqstandyqtar messendjerde bıyl 1 qarashadan bastap vaksınalaý mártebesi negizinde balalardy otbasylardan tartyp alýǵa múmkindik beretin zań kúshine enetini týraly habarlama tarady. stopfake.kz bul aqparattyń jalǵan ekenin málimdedi, dep jazady Egemen.kz.
QR Bilim jáne ǵylym mınıstrligi bul málimetti joqqa shyǵardy.
«Aqparat shyndyqqa janaspaıdy. Mundaı zań jobasy joq. Mektepterde balalardy májbúrlep vaksınasııalaý júrgizilmeıdi. Mektep balalarǵa bilim beredi, áleýmettenýge kómektesedi. Ata-analardyń kelisiminsiz vaksınasııalaý týraly másele kóterilip otyrǵan joq. Qazaqstandyqtardan áleýmettik jelilerde rezonans týdyrý úshin jeke azamattar taratatyn jalǵan aqparatqa senbeýlerin suraımyz», dep habarlady QR Bilim jáne ǵylym mınıstrliginiń baspasóz hatshysy Móldir Ábdýalıeva.