Munaıly aýdanynda tóbeles bolyp, saldarynan bir er adam qaza tapty. Polısııa departamenti qaıǵyly oqıǵanyń mán-jaıyn aıtty, dep habarlaıdy Egemen.kz.
Kisi óltirý oqıǵasy Munaıly aýdany Basqudyq aýylynda bolǵan.
«6 qarashada saǵat 20:25-te Munaıly aýdandyq polısııa bóliminiń 102 kezekshi pýltine Basqudyq aýylynda Bereket kóshesinde er adamnyń máıiti tabylǵany týraly qońyraý tústi. Oqıǵa ornyna jedel tergeý toby baryp, kisi óltirdi degen kúdikke ilingen eki azamatty ustady.
Atalǵan fakti Qazaqstan Respýblıkasy Qylmystyq kodeksiniń 99-babynyń 2-tarmaǵy (Adam óltirý) boıynsha Munaıly aýdandyq polısııa bóliminiń sotqa deıingi tergep-tekserýlerdiń biryńǵaı tiziliminde tirkelgen. Qazirgi ýaqytta kúdiktiler ýaqytsha ustaý ızolıatoryna qamaldy, atalǵan fakti boıynsha tergeý amaldary júrgizilýde», dep habarlady Mańǵystaý oblystyq polısııa departamenti.