Tótenshe jaǵdaılar mınıstrligi Ońtústik Qazaqstan oblysynda 1,5 tonna kúkirt qyshqyly tógilgeni jóninde habarlady. Oqıǵa 19 aqpan kúni Otyrar aýdany Kóksaraı aýyldyq okrýgi aýmaǵynda oryn aldy. Sintuonik avtokóliginiń júrgizýshisi júk tasymaldaý kezinde rólge ıe bola almaı, «Zarechnoe» JAQ-qa tıesili kúkirt qyshqyly quıylǵan sısternany aýdaryp alǵan. Apat saldarynan 1,5 tonna kúkirt qyshqyly tógildi.
Sısterna bazaǵa súırep aparylyp, qyshqyl tógilgen jerge topyraq sebildi. Apattan zardap shekkender joq. Osyǵan uqsas oqıǵa byltyr Qyzylorda oblysynda eki ret oryn alǵan bolatyn. 15 mamyr kúni munda 1,5 tonna kúkirt qyshqyly tógilse, maýsym aıynda tógilgen zııandy zattyń mólsheri 34 tonnany quraǵan.