Memleket damýyndaǵy syndarly qadam

Memleket basshysy Nursultan Nazarbaevtyń atyna Shyǵys Qazaqstan oblysynyń aýyl sharýashylyǵy qurylymdary men shaǵyn jáne orta bıznes kásiporyndary basshylarynan hat keldi, dep habarlady Prezıdenttiń baspasóz qyzmeti. Hatta avtorlar Memleket bas­shysy júrgizip otyrǵan eldi áleý­mettik-ekonomıkalyq jańǵyrtý jáne qarjy turaqtylyǵyn qam­ta­ma­syz etý saıasatyna qoldaý bildiredi. «Ulttyq valıýta baǵamyna ja­salǵan ózgeris pen mak­ro­eko­nomıkalyq jáne áleýmettik tu­raqtylyqty saqtaýǵa baǵyttalǵan sharalardy túsinistikpen qabyl­daımyz. Teńge baǵamyna ózgeris engizilýi otandyq óndiristiń damýy­na, ınvestısııa aǵynyna, ju­myspen qamtýdyń ulǵaıýyna septigin tıgizip, túpki nátıjesinde azamattarymyzdyń ál-aýqatyn arttyrýǵa múmkindik beretinine senemiz», – delingen hatta. О́ńirdiń agroónerkásip keshe­niniń, shaǵyn jáne orta bıznesiniń ókilderi byltyr Shyǵys Qazaqstan oblysy ekonomıkasynyń túrli salalaryna kórsetilgen memlekettik qoldaý 50 mıllıard teńgeden as­qanyn atap ótken. «Bıznestiń áleýmettik jaýap­­kershiligin túsine jáne Sizdiń sha­qyrýyńyzǵa ún qosa otyryp, biz óz kásiporyndarymyzdaǵy eń­bekkerlerdiń eńbekaqysy 10%-ǵa arttyrylýyn qamtamasyz etemiz», – delingen hatta. Sońynda hat ıeleri elimizdiń agroqurylymdarynyń barlyq basshylary men kásipkerlerin Qa­zaqstannyń odan ári damýyn qamtamasyz etýge jáne óz kásip­oryndary eńbekkerleriniń eńbek­aqysyn arttyrý týraly Memleket basshysynyń bastamasyn qoldaýǵa shaqyrǵan.