Dúrliktirgender buǵyp qala almady

Elimizde ártúrli kommýnıkasııa quraldary arqyly (áleýmettik jelilerdi qosa alǵanda ınternet-habarlamalar, SMS) keıbir bankterdiń bankrot bolý múmkindigi týraly aqparat taratylǵany belgili bolǵan edi. Osyǵan baılanysty Almaty qalalyq prokýratýrasy tómendegi jáıtti habardar etti. Joǵarydaǵy habarlamalar atalǵan bankterdiń salymshylaryn dúrliktirip, olardy banktik shot­tardaǵy qarajattaryn jap­paı alýǵa ıtermeledi. Sonyń saldarynan bul áreketter júıe qu­raý­shy bankterge aıtarlyqtaı zııan keltirgendikten, tıisti bank­ter quqyq qorǵaý organdaryna qarjylyq ahýaly jónindegi jalǵan aqparat taratqan tul­ǵa­lardy anyqtap, olardy tıisti jaýapqa tartý týraly aryzdaryn túsirdi. Prokýrorlyq tekserý jáne ulttyq qaýipsizdik organy tarapynan júrgizilgen is-sharalardyń nátıjesinde, «Signum» Zańgerlik fırmasy» JShS-niń ıesi Ábil­qaıyr Naqypovtyń jáne osy fırmanyń qyzmetkerleri Vık­torııa Tro­fı­movıch pen Áıg­erim Adasbaevanyń «Bank­Sentr­Kre­dıt» AQ-tyń qıyn qar­­jy­lyq jaǵdaıy týraly jal­ǵan elek­trondy habarlama tarat­qandarǵa qa­tysy bar ekendigi anyq­taldy. Jalǵan aqparatty olar Darhan Sábdenovten alǵa­ny anyqtaldy, ol buryn «Bank­Sentr­Kredıttiń» Almaty aıma­ǵy boıynsha atqarý óndirisi bóli­miniń mamany qyzmetin atqarǵan. Alaıda atalǵan bankterdiń bankrot aldyndaǵy jaǵdaıy týraly jalǵan aqparattyń eshbir negizi bolmaǵan jáne bolýy da múmkin emes edi. Sóıtip, nátıjesinde D.Sáb­denovtiń jáne joǵaryda atalǵan tulǵalardyń is-áreketteriniń saldarynan «BankSentrKredıt» AQ-qa eleýli zalal keltirildi. Osynyń negizinde ústimizdegi jyldyń 21 aqpany kúni Almaty qalasy prokýratýrasy tarapy­nan D.Sábdenovke qatysty Ákimshilik quqyq buzýshylyq týraly kodekstiń aldaý nemese senimge qııanat jasaý jolymen múliktik zalal keltirgeni úshin jaýapkershilikti kózdeıtin 136-1-baby boıynsha ákimshilik is qozǵaldy. Sottyń qaýlysymen D.Sábdenov joǵaryda atalǵan ákimshilik quqyq buzýshylyqty jasaǵany úshin 20 táýlikke qa­maýǵa alyndy. Qosymsha aıta ketetin jáıt, burynyraqta D.Sábdenovke qatysty Qylmystyq kodekstiń 251-baby 2-bólimimen (qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) is qozǵalyp, biraq osy is boıynsha qylmystyq qýdalaý zańsyz qysqartylǵany anyqtaldy. Qazirgi tańda atalǵan sheshim qalalyq prokýratýra tarapynan buzylyp, is qaıta tergeý júrgizý úshin qylmystyq qýdalaý organyna joldandy. Bankterdiń qarjylyq ahýaly jónindegi jalǵan aqparatty taratýǵa qatysy bar basqa da tulǵalardy anyqtaýǵa ba­ǵyt­tal­ǵan is-sharalar jalǵasýda. Son­dyqtan prokýratýra BAQ ókilderinen jáne azamattardan qaralyp jatqan oqıǵalardy jarııa etý kezinde tek tekserilgen derekterge súıenýge jáne shyn­dyqqa sáıkes kelmeıtin aqpa­rat­tyń jarııalanýyna jol bermeýin suraıdy, dep habarlady Almaty qalalyq prokýratýrasynyń bas­pasóz qyzmeti.