Bokstan áıelder arasyndaǵy álem chempıonaty 2022 jyldyń naýryz aıynda ótetin boldy, dep habarlaıdy Egemen.kz.
Negizi bul doda osy jyldyń 6-19 jeltoqsany aralyǵynda Túrkııanyń Ystanbul qalasynda ótýi kerek bolǵan. Alaıda AIBA basshylyǵy kóptegen quramalardyń indetke baılanysty qıyndyqtarǵa tap bolǵanyn eskerip, dodany kelesi jyly ótkizgendi jón dep tapty.
«Birneshe quramanyń osy jarysqa daıyndyqty bastap ketkeninen habardarmyz. Olardyń kóńil-kúıi túsetinin de sezemiz. Áıtkenmen qazir sportshylardyń densaýlyǵy, qaýipsizdik máselelerine beıjaı qaraı almaımyz», dedi uıym basshysy Ýmar Kremlev máseleniń mán jaıyna toqtalyp.