Biliktilikti arttyrý semınary

Elbasy Nursultan Nazarbaevtyń tapsyrmasyna sáıkes Qazaqstan Prezıdentiniń janyndaǵy Memlekettik basqarý akademııasynda aýdandyq mańyzy bar qalalar, aýyldyq okrýgter, kentter men aýyldardyń ákimderi úshin О́ńirlik memlekettik qyzmetshilerdi oqytý ortalyqtaryna onlaın-translıasııany qoldana otyryp, biliktilikti arttyrý semınary alǵash ret ótkizilýde, dep habarlady akademııanyń baspasóz qyzmeti. Semınarǵa Memlekettik qyzmet isteri agenttiginiń tóraǵasy Á.Baımenov, Aka­demııa rektory B.Áb­dirá­si­lov, Qarjy vıse-mınıstri R.Dá­lenov, Eńbek jáne halyq­ty áleýmettik qorǵaý vıse-mınıstri K.Ábsattarov, son­daı-aq, Qarjy mınıstrligi, Eko­nomıka jáne bıýdjettik jos­parlaý mınıstrligi, О́ńir­lik damý mınıstrligi, Eko­nomıkalyq qylmysqa jáne sybaılas jemqorlyqqa qar­sy kúres agenttiginiń, «Damý» kásipkerlikti damytý qory» AQ, «QazAgro» UBH» AQ de­partamentteri men bas­qar­malarynyń basshylary qatysýda. Memleket basshysynyń 2013 jylǵy qazan aıyn­da «A» korpýsynyń mem­le­ket­tik qyzmetshilerimen ótken jınalysta ber­gen tapsyrmasynda atap kórse­tilgenindeı, Qazaqstan Res­pýb­lıkasy Prezıdentiniń janyndaǵy Memlekettik basqarý akademııasynda 24-25 aqpanda aýdandyq mańyzy bar qalalar, aýyldyq okrýgter, kentter men aýyldardyń 300 ákimi úshin biliktilikti arttyrý semınary alǵash ret ótkizilip otyr. Onlaın-translıasııa rejiminde 15 óńirlik mem­lekettik qyzmetshilerdi oqytý ortalyqtarynda (О́OO) eki myńnan astam ákim osy se­mınardyń qatysýshylary bolýda. Bul rette Memleket bas­shysynyń tapsyrmasyna sáıkes, aýdandyq mańyzy bar qalalar, aýyldyq okrýgter, kentter men aýyldardyń bar­lyq ákimderi óńirlik mem­lekettik qyzmetshilerdi oqy­tý ortalyqtarynda aka­demııanyń О́OO-men jáne Eýropalyq Odaq jobasymen birlesip ázirlengen jáne oblys ákimderimen kelisilgen 80 saǵattyq Úlgilik baǵdarlama boıynsha oqytylýda. Eki kúndik semınar barysynda aýyldyq okrýgter, kentter men aýyldardyń ákimderi Qazaqstan Prezıdenti N.Nazarbaevtyń Qazaqstan halqyna arnaǵan 2014 jylǵy 17 qańtardaǵy «Qazaqstan joly – 2050: bir maqsat, bir múdde, bir bolashaq» atty Joldaýynda beki­til­gen baǵyttardyń basym­dyqtarymen tanysatyn bolady. Semınar tyńdaýshylary jergilikti memlekettik basqarý men ózin ózi basqarýdyń salyq salý, bıýdjetteý, halyqty jumyspen qamtý, halyqtyń jınalystaryn uıymdastyrý máselelerindegi 67 fýnksııany iske asyrý boıynsha bilim alady. Budan ózge, semınarda aýyldyq okrýgter, kentter men aýyldar ákimderiniń birqatary óńirlerdegi ózderiniń oń jumys tájirıbesi týraly aqparattarymen bólisedi. Oqýdyń nátıjesi boıynsha sertıfıkattar beriledi.