Bizdi shyńdaǵan partııa

Elimizdiń ómirine jańa bir tynys, saıası serpilis ákelgen keshegi «Otan», búgingi «Nur Otan» partııasynyń qurylǵanyna jaqynda 15 jyl tolady. Sol saıası uıymnyń alǵashqy qadamdaryna atsalysqan baıyrǵy músheleriniń biri retinde sol jyldardyń sýretterin kóz aldyma elestetip, oqıǵalaryn oıǵa oraltyp otyrmyn. Búginde táýelsiz elimizdegi bılik partııasyna, bedeli asa zor jetekshi saıası uıymǵa aınalǵan «Nur Otannyń» Qazaqstannyń qazirgi ósýi men órkendeýine, kóp ultty halqymyzdyń myzǵymas birligi men jarqyn tirligine úlken úles qosyp, qarapaıym kóptiń qorǵaýshysy, arman, murattarynyń qoldaýshysy bolyp kele jatqany qýantady. Úlken memlekettiń ulan-ǵaıyr sharýalarynyń tolyspaı tur­ǵan tustary, jetispeı jatqan qyr­lary bolsa, aldymen baıqap, dabyl qaǵyp qana qoımaı, solardy túzetýge, jumystarynyń jandanýyna serpin beretin partııamyzdy el qashanda ózge saıası partııalarǵa qa­raǵanda tirek, es, qorǵaýshy kóre­tinin aıtý artyq emes. Keıbir jaýap­­syz sheneýnikterden, keýdem­soqtaý basshylardan qaǵajý kór­gen qarapaıym jurt aldymen «Nur Otanǵa» keledi. Osy saıa­sı uıymnyń pármenimen úmit úzgen­deı bolǵan jumysyn tyndyrady, ádildik tabady. Sondyqtan, eldiń qorǵaýshy uıymyna aınalǵan saıa­sı partııamyzdyń 15 jyldyǵy ú­stinde onyń shańyraq kóterýiniń alǵashqy jyldaryn eske ala otyrsaq zaıyr. Bizdiń «Qazaqstan Respýb­lı­kasy Prezıdentiniń Teleradıo­kesheni» kommersııalyq emes ak­sıonerlik qoǵamy bastaýysh uıy­mynyń esebinde búginde Elbasy Ákimshiliginde, Ortalyq saılaý komıssııasynda jáne Prezıdenttiń Teleradıokesheninde qyzmetter atqaratyn 230 partııa múshesi esepte turady. Bastaýysh uıym al­­ǵashqy qurylý kezeńinde Úki­mette, Memlekettik qyzmet isteri agenttigi men Basqarý akademııasynda jumys jasaıtyn azamattardyń da saıası partııalyq jumystaryna jetekshilik etti. Sol jyldary Prezıdent Ákimshiligindegi partııa tobyna Záýresh Baımoldına, Ortalyq saılaý komıssııasyndaǵy topqa Grıgorıı Kýlesh, Úkimettegi partııa tobyna Dmıtrıı Glýkıh, Memlekettik qyzmet isteri agent­tigi men Basqarý akademııa­sy­na Mırgúl Narbınova sátti je­tek­­shilik etti. Alǵashqy jyldary jańa saıası partııanyń qoǵam­da­ǵy yqpalyn arttyrý, bedelin kóterý baǵyttarynda bastaýysh uıy­mymyz da «Birlik» fılıaly men Astana qalalyq partııa uıymynyń kúnbe-kúngi bas­shy­lyqtarymen kóp jumystar tyndyrdy. Partııaǵa aldymen tártip kerek. Eger onyń múshesi aı saıyn­ǵy jarna tóleýdiń ózin umyta berse, ol óziniń osynaý saıa­sı uıym­ǵa qatystylyǵyn qaper­den shyǵarady. Onyń saıası-kópshi­lik jumystaryna da múldem qatys­paıdy. Biz aldymen osy jarna tóleýdegi uqyptylyqty jolǵa qoı­dyq. Osy arqyly ár partııa múshesiniń saıası uıymnyń jar­ǵysyna saı jaýaptylyǵyn kóterdik. Jasyratyn ne bar, al­­ǵash­qy jyldary «Otan» par­­tııa­­synyń qataryna kezdeısoq, jaýap­ker­shi­likti onsha sezine ber­meıtinder ótip ketti. Jarna tóleýge moıny jar bermeıtinder men jı­na­lys­tarǵa múldem qatys­paı­tyn­dar jáne júktelgen partııalyq tapsy­rys­tardy oryndamaıtyndar partııa múshelerinen shyǵa bastady. Desek te, bastaýysh uıymnyń bıýro músheleriniń kómegimen ondaı jandardy tez arada tártipke shaqyrdyq. Alǵashqy jyldary Úkimette nebári 6 ǵana partııa múshesi bolsa, keıin bul partııa tobynan úlken bastaýysh uıym ósip shyqty. Partııanyń alǵashqy qurylǵan jyldarynda bizdiń de bastaýysh uıymymyzda 17 múshe ǵa­na bolsa, búginde qatarymyz ósip, nurotandyqtar sany 230 adam­ǵa jetti. Uıymnyń bıýro múshe­leri G.Kýlesh, B.Temirbolat, M.Ja­qy­pov, G.Ájiǵulova, J.Úsin­baeva, J.Qojahmetov, L.Sú­leımen, S.Mýsına, G.Qamarova, B.Báımeshev, N.Galıhın, R.Táýe­kelev partııalyq tapsyrys­tar­ǵa ár ýaqytta da úlken jaýap­ker­­shilikpen qaraıdy. Osy adam­darymyzdyń arqasynda bastaýysh uıymymyz «Birlik» fılıalyna qarasty 47 bastaýysh uıymdardyń arasynda óz orny bar, belgilegen sharalaryn ýaqytynda oryndaıtyn, el ómirindegi saıası-bu­qa­ralyq sharalarǵa belsene qa­ty­satyn bilikti de uıymshyl uıymǵa aınala bastady. Álbette, bastaýysh uıym ózi­niń kúnbe-kúngi jumystarynda «Birlik» fılıaly men partııanyń joǵary organdarynyń tapsyrystaryn, Elbasynyń memleket taǵdyryna, eldiń áleýmettik-eko­­no­­mıkalyq strategııalaryna qatysty derektıvalaryn bas­shy­lyqqa alady. Solardyń nasıhatshysy, qalyń buqaraǵa jetkizýshisi bola biledi. Sóz retinde, bizdiń «Birlik» fılıalynyń búginde 5495 partııa múshelerin biriktirip otyrǵanyn aıta ketkimiz kele­di. Fılıal tóraǵasy Abaı Bı­sem­baev bastaǵan birliktik nurotan­dyqtar tek 2013 jyldyń ózinde ǵana halyq arasynda 395 shara ótkizip, oǵan 15 myńnan astam adam qatysty. Bul kópshilik ju­mys­tardyń soqtalylaryna bir­lik­tik nurotandyqtar joǵary deńgeılerde ótkizgen kóp balaly analarǵa, Uly Otan soǵysyna qatysýshy áıelderge, sol qıyn-qystaý kezeńderde tylda jan aıamaı eńbek jasaǵandarǵa arnalǵan «Asyl analar» atty sharalar shoǵy­ryn jatqyzýǵa bolady. Al atalǵan jyldyń 5 sáýirinde birliktikter uıymdastyrǵan «Álem­dik densaýlyq kúni» bas qala­myzdyń turǵyndaryna emdeý mekemeleri tegin qyzmetter kór­setti. «Bir tamshy qan – ómirdi qut­qarýshy» aksııasyna 332 donor qatyssa, «Ardagerlerdi ardaqtaıyq» sharasynda 156 soǵys jáne tyl ardagerlerine laıyqty qurmetter kórsetildi. Partııa mú­she­leri arnaıy saparmen balalar úıleri men ınternattarda bolyp, olardaǵy tárbıelenýshilerge yqylasty qamqorlyqtaryn kór­setken aksııalar da este qaldy. Elimizdiń bas qalasynyń 15 jyl­dyǵyna arnalǵan «Astana – Qa­zaq­stan táýelsizdigi men jetis­tik­teriniń aıǵaǵy» sharasyna elordanyń 3094 turǵyny belsene atsalysty. Bastaýysh uıym «Birlik» fılıalynyń quramynda bolǵandyqtan, osynaý sharalarǵa múmkindiginshe atsalysa otyra, ózi tarapynan da ondaǵan dóńgelek ústelder taǵdyry qyzyq adamdarmen júzdesýler ótkizdi. Olardyń arasynda Reseı elshiligimen, Ulttyq qaýipsizdik komıtetiniń Ardargerler keńesimen, Astananyń Ishki ister departamentimen, «Sa­muryq-Qazyna» qorynyń «Far­masııa» JShS-men, Mádenıet jáne aqparat mınıstrligimen, «Parasat» ulttyq ǵylymı-tehno­lo­gııalyq holdıngi» AQ-pen bir­lesip ótkizgen sharalarǵa da «Bir­lik» fılıalynyń 49 bastaýysh uıymdarynyń ókil­derin shaqyrdyq. Jumysymyzdy bulaısha keń kólemde júrgizýimizdiń sebebi, bizdiń Teleradıokeshendegi bas­taýysh uıymǵa fılıaldyń úgit-nasıhat jumysyn júrgizý min­dettelgen. Elbasynyń taǵdyr­sheshti bıylǵy Joldaýyn halyq zerdesine jetkizý, nasıhattaýda da belsendi ister atqarýdamyz. Bastaýysh uıym qarapaıym adamdardyń tilek-ótinishterine de úlken jaýapkershilikpen qarap, múmkindiginshe qolushyn berýge kúsh salady. Árıne, bastaýysh uıymnyń óz qabyldaý kúnderi joq. Degenmen, bizdiń esigimiz óz uıymymyzdyń esebinde turatyn nurotandyqtarmen qatar, kez kel­gen qazaqstandyqqa da aıqara ashyq. Shamamyz jetkenshe, kimge de bolsyn qol ushyn berýge tyrysamyz. Partııa –halyqtyń qyz­met­shisi, Elbasynyń da elgezek kómekshisi. «Nur Otan» ózi qurylǵannan beri bılik pen ha­lyqtyń arasyndaǵy altyn kópir, tini úzilmes dáneker bola bilýde. О́tken 14 jyldyń ishinde bastaýysh uıymymyz ondaǵan qarapaıym janǵa qol ushyn berdi. Muny óz basym jetistigimizdiń soq­talysy dep oılaımyn. On bes jyldyń ishinde «Nur Otan» bizdi shyńdady, halyqtyń shyn mánindegi qam­qorshysy, Elbasynyń elgezek kómek­shisi bolýǵa tárbıeledi. Alda da osy nıetten, osy joldan aınymasymyz anyq. Smaǵul RAHYMBEK, «Nur Otan» partııasy «Birlik» fılıaly úgit-nasıhat tobynyń jetekshisi, bastaýysh uıymynyń tóraǵasy. ASTANA.