Almaty qalasynyń sanıtarlyq-epıdemıologııalyq baqylaý departamentiniń basshysy, Qalanyń bas memlekettik sanıtarlyq dárigeri Jandarbek Bekshın jeltoqsan aıyna koronavırýs boıynsha epıdemıologııalyq boljam jasady, dep habarlaıdy Egemen.kz.
Onyń aıtýynsha, JRVI men tumaýdyń órshýi kezinde koronavırýs aýrýy ósýi múmkin.
«Qazir JRVI jáne tumaý aýrýlary ósýde. Jaǵdaı bir mándi emes. Osyǵan baılanysty koronavırýs aýrýynyń ósý qaýpi saqtalýda. Bizde vaksına saldyrmaǵan kóptegen adamdar bar. Bul adamdar jeltoqsan aıynda aýrýdyń ósýin týdyrýy múmkin. Sondyqtan bizge qazir belsendi túrde ekpe jasatý qajet», dedi ol.
Qalanyń bas sanıtarlyq dárigeri atap ótkendeı, búginde almatylyqtardyń 48,1%-y koronavırýsqa qarsy vaksına saldyrǵan.
Sondaı-aq, Bekshın ýaqyt óte kele antıdenelerdiń konsentrasııasy tómendeýine baılanysty vaksınalardyń alǵashqy dozalaryn alǵannan keıin 6 nemese 9 aı ótken soń koronavırýsqa qarsy revaksınasııa qajet ekenin eske saldy.
Vırýs juqtyrǵan almatylyqtardyń 82%-y kovıdke qarsy ekpe jasamaǵan.