Birikke Arab Ámirlikteriniń Dýbaı qalasynda karateden álem chempıonaty aıaqtaldy. Áıelder men erler arasynda karate WKF túrinen álemdik saıysqa 105 el qatysty, dep jazady Egemen.kz Shymkent qalasy ákimdiginiń baspasóz qyzmetine silteme jasap.
Shymkent qalasynyn sportshysy Sofııa Berýlseva 68 kılodan joǵary salmaq dárejesinde 3-shi orynǵa ıe boldy. Jerlesimiz Fransııa, Ýkraına, Túrkııa, Fınlıandııa eliniń sportshylaryn jeńip, jartylaı fınalǵa shyqqan edi. Jartylaı fınalda Ispanııa ókili Marııa Garsııaǵa upaı sanymen ese jiberdi. Al qola júldege talasta serbııalyq qarsylasynan basym tústi.
2021 jyl Sofıa Berýlseva úshin tabysty aıaqtalyp otyr. Ol bıylǵy Tokıo olımpıadasynda da el qorjynyna qola júlde salǵan edi.