Soltústik Qazaqstan oblysy advokattar alqasynyń múshesi túrmege qamaldy. Ol óz qorǵaýyndaǵy azamattyń isin oń sheship beremin dep, odan 25 myń dollar suraǵan eken.
Asqar Janabaev ótken jyldyń naýryz aıynda para alyp jatqan jerinde ustalǵan bolatyn. Endi túsinikti bolý úshin basynan bastaıyq. Ol qorǵaýyndaǵy azamattan alǵashynda 5 myń dollar alǵan kórinedi. Tergeý barysynda onyń aıyptalýshydan taǵy aqsha talap etkeni málim boldy.
«Asqar Janabaev Qylmystyq kodekstiń 58-baby 3-bóligine sáıkes, aıypty dep tanyldy. Osyǵan oraı, oǵan 10 jylǵa bas bostandyǵynan aıyrý jazasy taǵaıyndalsyn», – dep úkim shyǵardy oblystyq qylmystyq ister jónindegi mamandandyrylǵan aýdanaralyq sotynyń sýdıasy Baýyrjan Baımurzın.
Aıdar О́RISBAEV,
«Egemen Qazaqstan».
PETROPAVL.