Keńes múshelerimen kezdesti

Memleket basshysy Nursultan Nazarbaev Halyqaralyq konsýltatıvtik keńes múshelerimen kezdesti, dep habarlady Prezıdenttiń baspasóz qyzmeti. Aqordada ótken kezdesýge Avs­trııa Respýblıkasynyń eks-federaldy kansleri Alfred Gý­zenbaýer, Polshanyń eks-prezıdenti Aleksandr Kvasnevskı, Eýropalyq komıs­sııanyń eks-tóraǵasy ári Ita­lııanyń burynǵy premer-mı­nıstri Romano Prodı qatysty. Áńgimelesý barysynda Qa­­zaq­stannyń ekonomıkalyq áleýe­tin odan ári iske asy­rý­dyń negiz­gi baǵyttary, res­pýb­lıkanyń halyq­aralyq bas­ta­ma­laryn júze­ge asyrý barysy, sondaı-aq EKSPO-2017 kór­mesin ót­ki­zýge daıyndyq jaıy tal­qy­landy. Budan bólek, halyq­aralyq kún tár­­tibindegi máse­leler, sonyń ishinde Ýkraı­na­daǵy jaǵdaı jóninde pikir almasyldy. Memleket basshysy Qazaq­stan úshin qyzyǵýshylyq týdyratyn halyqaralyq arenadaǵy ózekti máseleler talqylanatyn kez­desýdi Keńes múshelerimen tu­raqty ótkizip turýdyń mańyz­dylyǵyn atap ótti.