Elordada oıyn-saýyq ortalyǵynyń sýburqaǵyna sekirgen 19 jasar turǵyn qamaýǵa alyndy, dep habarlaıdy Egemen.kz Nur-Sultan qalasy polısııa departamentiniń baspasóz qyzmetine silteme jasap.
«Polısııanyń «102» arnasyna jas jigittiń ekinshi qabattan «Mega Silk Way» oıyn-saýyq ortalyǵynyń sýburqaǵyna sekirgeni týraly habarlama kelip tústi. 19 jastaǵy elorda turǵynynyń dostarymen bástesip, birinshi qabatta ornalasqan sýburqaqqa sekirgeni anyqtaldy. Ortalyqqa kelýshiler qaýipti árekettiń eriksiz kýágeri boldy.
Jas jigitti ortalyq kúzetshisi ustap alyp, polısııa qyzmetkerlerine tapsyrdy. Qoǵamdyq tártipti buzǵan azamat Esil aýdanynyń polısııa bólimine jetkizildi», delingen habarlamada.