Kenshiler astanasynda Cummins kompanııasy ókildiginiń demeýshiligine súıengen Ayala qory eki birdeı balalar úıinde kásiptik baǵdar berý boıynsha sheberhanalar ashty. Jalpy, aldaǵy ýaqytta atalǵan qordyń kómegimen jyl saıyn 200-ge jýyq tárbıelenýshi kásiptik baǵdarlaý trenınginen ótpek.
Qaraǵandydaǵy «Tańsholpan» Balalar úıinde 63 bala turady. Munda ashylǵan tigin jáne aǵash sheberhanasy tárbıelenýshiler úshin bazarlyqtyń tóresi boldy. Mysaly, tigin sheberhanasynda qyzdar úshin úırenýge qajetti dúnıeniń bári usaq-túıekke deıin oılastyrylǵan. Atelede 5 tigin mashınasy, 2 torlaǵysh, 3 útikteý taqtasy men útik bar. Budan bólek, býmen tik jibitkish, bý generatory jáne shańsorǵysh ta daıyn tur. Jıhaz ataýlydan 8 ústel, dıvan, qural-jabdyq, sonan soń materıaldardy jáne tigin kerek-jaraqtaryn saqtaýǵa arnalǵan shkaf oryn tepken. Sondaı-aq sheberhana ishine kilem tóselip, úlken aına qoıylǵan. Qalqasy bar kıim ólsheıtin bólme de qyzmet kórsetýge daıyn.
«Tańsholpan» Balalar úıiniń dırektory Serik Ámirhanov jabdyqtar men qural-aspaptardyń óte yńǵaıly jáne zamanaýı ekenin aıtady.
– Bul jerde tigý tehnıkasy jáne ádisterimen jumys isteý bir ǵanıbet. Biz balalarǵa berilgen osyndaı keremet syılyq úshin shyn júrekten alǵys aıtamyz. Sheberhana olarǵa ómirde paıdasy mol isterdi úırenýge kómektesedi. Keıbir tárbıelenýshiler úshin bul olardyń kásibiniń nemese tipti óz isiniń bastaýyna aınalatynyna senimdimin, – deıdi dırektor.
Ul balalarǵa arnalǵan sheberhanaǵa stanoktar, qol aralar, balǵalar, ólsheý quraldary, burǵylar, buraǵyshtar, robot tehnıkasy jabdyqtarynyń jıyntyǵy qoıylǵan. Syılyqtardyń ishinde balalarǵa mekeme úshin paıdaly zattardy jasaýdy úıretetin birneshe kılo plastıkten turatyn 3D prınteri bar. Jalpy, joǵaryda aıtylǵan eki sheberhanany jabdyqtaýǵa 4,5 mln teńgeden astam qarajat jumsalypty.
Al 133 oqýshy meken etetin múmkindigi shekteýli balalarǵa arnalǵan Balalar úıinde kýlınarııamen aınalysýǵa múmkindik beretin zamanaýı as úı paıda boldy. Iаǵnı mundaǵy tárbıelenýshiler aspazdyq ónerdiń qyr-syryn meńgerip, úı turmysyn júrgizýdi úırenýge mol múmkindik aldy.
Bul jerde quramyna tońazytqysh jáne pesh, pisirý beti, mıkrotolqyndy pesh, sorǵysh, ydys jýǵysh mashına sııaqty turmystyq tehnıka kiretin as úı jıyntyǵy, qabyrǵa jıhazy, oryndyqtar jáne asústel bar. Balalar mýltıpisirgishte, elektr grıldiń kómegimen as daıyndaýdy, sendvıch pen quımaq pisirgishte tańǵy as pisirýdi, vafel qalybynda desert daıyndaýdy úırenedi. Al neǵurlym kúrdeli taǵamdardy daıyndaý kerek bolsa, onda mánti pisirgishti, tabalardy, shóńkelerdi jáne asúı quraldarynyń jıyntyǵyn paıdalanýǵa bolady.
Budan ózge qonaqtar úshin ústeldi jabdyqtaýǵa 3 ashana jıyntyǵy jáne 3 as quraldary jıyntyǵy, aljapqyshtar jáne túrli asúı kerek-jaraqtary satyp alynǵan. Jalpy, bul bólmeni jabdyqtaýǵa 4,3 mln teńgeden astam qarajat jumsalypty.
Balalar úıiniń dırektory Dáneker Seısekına sheberhanada balalarmen pedagogter jumys isteıtinin aıtady.
– Biz eriktilerdi sheberlik synyptaryna shaqyramyz. Balalar úshin bul óte mańyzdy qadam. Olar ómirge qajetti nárselerdi úırenedi. Múmkin bul olardyń bolashaq mamandyǵy – qoǵamdyq tamaqtaný ındýstrııasyna jasaǵan alǵashqy qadamdary bolýy da múmkin, – deıdi ol.
Al Ayala qorynyń prezıdenti Aıdan Súleımenova bolsa, jalpy jobany iske asyrýǵa arnalǵan 10 jyldyń ishinde qor uıymdastyrǵan kásiptik baǵdarlaý kýrstarynan myńnan astam jasóspirimniń ótkenin málim etti.
– Biz osy oqý oryndaryn bitirgennen keıin balalardyń ómir súrýge, oqýdy jalǵastyrýǵa jáne damýǵa kómektesetin paıdaly praktıkalyq daǵdylarǵa ıe bolǵanyn qalaımyz. Al eń basty maqsatymyz – bolashaqta olar ózine unaıtyn jumys tapsa eken degen nıet, – deıdi qor basshysy.
Qaraǵandy oblysy