Qazaqstannyń Tuńǵysh Prezıdenti, Túrki memleketteri uıymynyń Qurmetti Tóraǵasy, Elbasy Nursultan Nazarbaevtyń 6 jeltoqsanda jarııalanǵan «Táýelsizdik taǵylymy» maqalasyn oqyp, ózim de múshesi sanalatyn Túrki álemi men onyń Bilge aqsaqalymen taǵy bir ret maqtandym.
Aqsaqalymyz erkindik, táýelsizdik, egemendiktiń túgel túrki jurty úshin asa mańyzdy uǵym ekenin basa aıtyp, tarıhta taǵy bir ret jazba qaldyrdy.
О́mirin halqy, túrki álemi men bar adamzattyń beıbitshiligine, ósip-ónýine arnaǵan aqsaqalymyzdyń keleshekke kóz tastaı otyra keńes berip, nasıhat aıtýy jáne jaqsy jospar usynyp, baǵyt kórsetýi bizderge tarıhymyzdaǵy uly kóshbasshy, mártebeli Bilge qaǵandy eske saldy.
Bilge qaǵannyń ósıetin oqyp, aqsaqalymyz Nursultan Nazarbaevtyń maqalasymen salystyrǵanda birdeı rýh, sol senim men aqyl, dál sondaı peıil baıqaımyz.
Elbasy Nursultan Nazarbaevtyń qazaq baýyrlarymyz ben túrki álemin qosa alǵanda túgel adamzat úshin eńbek etýdi oılaýy kókten berilgen qasıet dep oılaımyn.
Qandaı keremet rýh, qandaı jaqsy jol bastalǵan.
Mundaı jol júrip ótpeı, sezbeı osyndaı sóz aıtyla ma? О́zi senbeı tura osyndaı zatty aıtýǵa bola ma?
Aqsaqalymyz shynymen ózi kórgenin halqymen bólisti. Ol shekaralardan shyǵa alatyn kúshke ıe.
Ol eńbegi, ult pen memlekettiń adamy bolýy týraly aıtyp, búgin úshin de, keleshek úshin de dańǵyl jol saldy.
Bilimi, tájirıbesi, kúresi, paıymy, júregi men bar bolmysyn halqyna, adamzatqa arnaǵan bul úlken kóshbasshynyń bizben bólisken altyn sózderi úshin qalamy men júregine saýlyq tileı otyra, densaýlyq, bereke tilep, qurmetimizdi jetkizemiz.
Búgin beıbitshilik, erkindik kúni Túrkistannyń júregi sanalatyn atajurtymyz Qazaqstanda týyp otyr.
Qysqa ýaqytta óz jerinde erkin rýhpen tik turǵan, óz terrıtorııasy sııaqty masshtabtarǵa ıe bolǵan Qazaqstan óz bıik maqsattaryna senimdi qadam jasap, jetip jatyr.
Túrki áleminiń bóligi bolǵan bizder álemge mádenıetti alyp kelgen ata-babalarymyzdaı bilim, senim, súıispenshilikpen damyǵan Qazaqstandaı baýyrǵa ıe bolǵanymyzǵa qýanyshtymyz, qazaq baýyrlarymyzben maqtanamyz.
Osy tusta eńbegi zor aqsaqalymyz Elbasy Nursultan Nazarbaev túgel túrki jurtynyń maqtanyshy jáne ol salǵan sara joldaǵylar ony qurmet tutady.
Rýhy sonaý tamyrly tarıhymyzdan bastaý alǵan aqsaqalymyz – Nazarbaev týraly Bilge qaǵannyń «Eı, Túrik! Joǵaryda aspan qulamaı, tómendegi jer tesilmeı, seniń memleketińdi, ádetińdi kim joıa alady?!» degen sózderiniń zamanaýı tilde qaıta jetkizgen kóshbasshy deı alamyz.
Túgel túrki álemi úshin onyń sózderi nurly sáýledeı kórinedi.
Halqy jáne túrki jurtymen birge beıbitshilikti bıik qoıǵan adamdar onyń bul kúnge deıin jasaǵan birqatar qaıyrly jáne mańyzdy isteriniń rahatyn kórdi jáne áli de kóre beredi dep úmittenemin.
Halqyńyz jasaı bersin!
Iаlchyn TOPChÝ,
Túrkııa Respýblıkasy Prezıdentiniń Bas keńesshisi