Oblys ákimi Samat Eskendirovtiń tóraǵalyǵymen ótken qala qurylysy keńesinde oblystaǵy úsh aýdan ortalyǵynyń 2030 jylǵa deıin belgilengen aýmaqtyq ornalasý syzbasynyń bas jospary bekitildi. Jobanyń avtory “Grado” JF” JShS-niń dırektory Arqynjan Mametov jınalǵandardy Ǵ. Músirepov, Aıyrtaý jáne Tımırıazev aýdandary ortalyqtarynyń aýmaqtyq bas josparlarynyń tolyqtyrylǵan nusqasymen tanystyrdy. Onyń sózine qaraǵanda, osy aýmaqtardaǵy eldi meken turǵyndarynyń sany ósip keledi. Osyǵan oraı áleýmettik-ekonomıkalyq damý úderisi, aýmaqtyń josparly qurylymy men fýnksıonaldyq uıymdastyrylýy, kólik jáne ınjenerlik kommýnıkasııalar júıesi jan-jaqty zerttelgen. Budan tysqary demografııalyq ósimge, aýyl erekshelikterine, qorshaǵan ortany qorǵaý jaıyna taldaý jasalǵan. Aımaq basshysy qalǵan 10 aýdan men Petropavl qalasynyń bas josparyn bekitý isin keshiktirmeýdi tapsyrdy. Ár aýyldyń aýmaqtyq sulbasyn jáne jobalaý-smetalyq qujattaryn daıyndap shyǵýdyń endigi bir qıyndyǵy turǵyndarynyń jumyspen qamtylý kórsetkishteri, joldar men kommýnıkasııa toraptaryn kógaldandyrý, ınjenerlik jáne geologııalyq ahýal egjeı-tegjeıli qamtylýy tıis.
“Grado” jobalaý fırmasyna úlken senim artylyp otyr. Endi bul jobalar aýdan máslıhattarynda taǵy bir pysyqtalyp, sodan keıin bekitiletin bolady, dedi S. Eskendirov.
О́mir ESQALI,
«Egemen Qazaqstan».
Soltústik Qazaqstan oblysy.