Bıyl sáýir aıynyń sońyna qaraı jerdi aldyn ala qashyqtyqtan tekseretin elimizdiń alǵashqy jer serigi ushyrylady. Bul týraly «Qazaqstan» telearnasy habarlady.
Osy jyly Baıqońyr ǵarysh aılaǵynan «Qazsat-3» baılanys spýtnıgin ushyrý kózdelgen. Úshinshi telekommýnıkasııalyq «Qazsat» serııasynyń ǵarysh apparaty «Proton-M» zymyran tasyǵyshy arqyly reseılik «Lých5V» jer seriginiń tobymen ushyrylatyn boldy.Sondaı-aq, alǵashqy jartyjyldyqta «Qazǵarysh» jerdi aldyn ala qashyqtyqtan tekseretin spýtnıkti ushyrýdy josparlady. Bul apparat «EADS Astrium» konsernimen jasalǵan. Ol «Iаsnyı» ǵarysh aılaǵynan «Dnepr» zymyran tasyǵyshymen ushyrylady.
Qazirgi kezde joǵary dáldigi bar spýtnıktik navıgasııanyń ulttyq júıesi iske qosyldy. Sonyń negizinde birqatar jobalardy qoldanysqa engizýdiń sáti tústi . Munan ózge, jerdi aldyn ala qashyqtyqtan tekseretin jáne ǵylymı-tehnıkalyq baǵyttaǵy spýtnıkterdi qurý boıynsha iri jobalar júzege asýda.
Ámirhan Almaǵanbetov.
Derekkóz: «Qazaqstan» telearnasy.
Foto: Namonitore.ru.