Qazaqstan syrtqy saıasat vedomstvosynyń basshysy Erlan Ydyrysov pen QHR Syrtqy ister mınıstriniń orynbasary Chen Gopınniń kezdesýi bolyp ótti, dep habarlady QR SIM-iniń baspasóz qyzmeti.
Kezdesý barysynda saıası, ekonomıkalyq, saýda, ınvestısııa, mádenıet jáne týrızm salalaryndaǵy ekijaqty yntymaqtastyq, sonymen qatar, halyqaralyq kún tártibindegi ózekti máseleler, sonyń ishinde Ýkraınada oryn alǵan jaǵdaılar talqyǵa salyndy.
Qazaqstan Prezıdenti N.Nazarbaevtyń 2014 jylǵy mamyrǵa josparlanǵan Qytaıǵa memlekettik sapary, aldaǵy sáýir aıynda Boao azııalyq forýmynyń jumysyna qazaqstandyq delegasııanyń qatysýy jáne elimiz Syrtqy ister mınıstri E.Ydyrysovtyń osy aıdyń ekinshi jartysynda QHR-ǵa josparlanǵan sapary kelissózderdiń negizgi taqyrybyna aınaldy.
Kezdesý Chen Gopınniń Ýkraınada oryn alǵan jaǵdaılar boıynsha konsýltasııalar ótkizý maqsatynda shetelderdi aralaý týrnesi aıasynda ótti. Osyǵan deıin ol Kıev, Mınsk jáne Máskeý qalalarynda bolǵan edi.