Memleket basshysy Nursultan Nazarbaev QHR Syrtqy ister mınıstriniń orynbasary Chen Gopındi qabyldady, dep habarlady Prezıdenttiń baspasóz qyzmeti.
Kezdesý barysynda ekijaqty yntymaqtastyq máseleleri, sondaı-aq, halyqaralyq kún tártibiniń ózekti jaıttary talqylandy.
Nursultan Nazarbaev Qazaqstan men Qytaı arasyndaǵy qarym-qatynastardyń tıimdi damyp kele jatqanyn, bizdiń elimiz ekonomıkalyq jáne saıası seriktestiktiń odan ári nyǵaıýyna múddeli ekenin atap ótti.
Memleket basshysy QHR-dyń Azııadaǵy ózara is-qımyl jáne senim sharalary jónindegi keńes qyzmetine belsene qatysyp kele jatqanyna toqtaldy, sondaı-aq, 2014 jyly mamyrda Shanhaıda ótetin AО́SShK-niń aldaǵy sammıtine daıyndyqtyń deńgeıi joǵary ekenin aıtty.
Chen Gopın óz kezeginde Nursultan Nazarbaevqa QHR Tóraǵasy Sı Szınpınniń sálemin jetkizdi jáne Qazaqstan Prezıdentiniń Qytaıǵa aldaǵy memlekettik saparyna daıyndyq barysy týraly habarlady.
Sýretterdi túsirgender
S.BONDARENKO, B.OTARBAEV.