Aqjarqyn, aı mańdaıly, qaraqat kóz,
Sońyna ilespegen jamanat sóz.
Janymdy jadyratqan Jaıyq qyzy-aı,
Jastyq shaq qalaı ótken ǵalamat tez.
Kórkiń bar shuǵylaly tań nuryndaı,
Birge ósken qurbym ediń taı-qulyndaı.
Bólegen balǵyn shaqty ujymaqqa,
Jan ediń kelbetine aqylyń saı.
Qolyma qonsa dep em qusym bolyp,
Ketti ǵoı, tátti armanǵa ishim tolyp.
Jibekteı kórkem sulý Jaıyq qyzy,
Júresiń ár kún saıyn túsime enip.
Naryn qyzy
Naryn qyzy namystan jaratylǵan,
Soǵys jyly Mánshúk bop jaýǵa atylǵan.
Jaıma-shýaq ómirde ol – Farıza,
Oty názik jyrymen dara turǵan.
Naryn qyzy sezim men sertke berik,
Qıyndyqta qaıyspas erge serik.
Aı júzine jarasyp pák kóńili,
Elge kórik beredi, jerge kórik.
Haırolla Ismaǵul ov,
kásipker.
Oral qalasy.