2013 jylǵy 31 jeltoqsan, Astana, Úkimet Úıi
«Respýblıkalyq bıýdjet qarajaty esebinen advokattar kórsetetin zań kómegine aqy tóleý jáne qorǵaý men ókildik etýge baılanysty shyǵystardy óteýdiń erejeleri týraly» Qazaqstan Respýblıkasy Úkimetiniń 1999 jylǵy 26 tamyzdaǵy № 1247 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Respýblıkalyq bıýdjet qarajaty esebinen advokattar kórsetetin zań kómegine aqy tóleý jáne qorǵaý men ókildik etýge baılanysty shyǵystardy óteýdiń erejeleri týraly» Qazaqstan Respýblıkasy Úkimetiniń 1999 jylǵy 26 tamyzdaǵy № 1247 qaýlysyna (Qazaqstan Respýblıkasynyń PÚAJ-y, 1999 j., № 42, 384-qujat) mynadaı ózgerister engizilsin:
taqyryby mynadaı redaksııada jazylsyn:
«Memleket kepildik bergen zań kómegin kórsetetin tulǵalarǵa eńbekaqy tóleý, advokat kórsetken zań kómegin esepke alý jáne konsýltasııa berýge, qorǵaýǵa jáne ókildik etýge baılanysty shyǵystardy óteý qaǵıdalary, sondaı-aq onyń eńbekaqy mólsheri týraly»;
kirispe mynadaı redaksııada jazylsyn:
«Advokattyq qyzmet týraly» 1997 jylǵy 5 jeltoqsandaǵy Qazaqstan Respýblıkasynyń Zańy 5-babynyń 3-tarmaǵyna jáne 6-babyna jáne «Memleket kepildik bergen zań kómegi týraly» 2013 jylǵy 3 shildedegi Qazaqstan Respýblıkasynyń Zańy 7-babynyń 2) tarmaqshasyna sáıkes Qazaqstan Respýblıkasynyń Úkimeti qaýly etedi:»;
1-tarmaq mynadaı redaksııada jazylsyn:
«1. Qosa berilip otyrǵan Memleket kepildik bergen zań kómegin kórsetetin tulǵalarǵa eńbekaqy tóleý, advokat kórsetken zań kómegin esepke alý jáne konsýltasııa berýge, qorǵaýǵa jáne ókildik etýge baılanysty shyǵystardy óteý qaǵıdalary, sondaı-aq onyń eńbekaqy mólsheri bekitilsin.»;
kórsetilgen qaýlymen bekitilgen Respýblıkalyq bıýdjet qarajaty esebinen advokattar kórsetetin zań kómegine aqy tóleý jáne qorǵaý men ókildik etýge baılanysty shyǵystardy óteýdiń erejeleri osy qaýlyǵa qosymshaǵa sáıkes jańa redaksııada jazylsyn.
2. Osy qaýly 2015 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 31 jeltoqsandaǵy №1579 qaýlysyna qosymsha
Qazaqstan Respýblıkasy Úkimetiniń 1999 jylǵy 26 tamyzdaǵy № 1247 qaýlysymen bekitilgen
Memleket kepildik bergen zań kómegin kórsetetin tulǵalarǵa eńbekaqy tóleý, advokat kórsetken zań kómegin esepke alý jáne konsýltasııa berýge, qorǵaýǵa jáne ókildik etýge baılanysty shyǵystardy óteý qaǵıdalary, sondaı-aq onyń eńbekaqy mólsheri
1. Jalpy erejeler
1. Osy Memleket kepildik bergen zań kómegin kórsetetin tulǵalarǵa eńbekaqy tóleý, advokat kórsetken zań kómegin esepke alý jáne konsýltasııa berýge, qorǵaýǵa jáne ókildik etýge baılanysty shyǵystardy óteý qaǵıdalary, sondaı-aq onyń eńbekaqy mólsheri (budan ári – Qaǵıdalar), advokat kórsetetin zań kómegine aqy tóleý, esepke alý, qorǵaýymen jáne ókildik etýimen baılanysty shyǵystardy óteý tártibin, sondaı-aq onyń eńbek aqysynyń mólsherin belgileıdi.
Osy Qaǵıdalarda mynadaı negizgi uǵymdar paıdalanylady:
1) quqyqtyq konsýltasııa berý – zań kómegin alýǵa quqyǵy bar jeke jáne zańdy tulǵalarǵa, onyń ishinde aryzdardy, shaǵymdardy, ótinishhattardy jáne quqyqtyq sıpattaǵy basqa da qujattardy jasaý máselesine qatysty aýyzsha jáne jazbasha konsýltasııalar nysanynda kórsetiletin memleket kepildik bergen zań kómeginiń túri;
2) memleket kepildik bergen zań kómegi – zań kómegin alýǵa quqyǵy bar jeke jáne zańdy tulǵalarǵa «Memleket kepildik bergen zań kómegi týraly» Qazaqstan Respýblıkasynyń Zańynda jáne Qazaqstan Respýblıkasynyń ózge de zańdarynda kózdelgen negizde jáne tártippen tegin negizde kórsetiletin zań kómegi.
2. Memleket kepildik bergen zań kómegi:
1) quqyqtyq aqparat berý;
2) quqyqtyq konsýltasııa berý;
3) «Memleket kepildik bergen zań kómegi týraly» Qazaqstan Respýblıkasynyń Zańynda jáne Qazaqstan Respýblıkasynyń ózge de zańnamalyq aktilerinde belgilengen jaǵdaılarda jáne tártippen jeke tulǵalardyń múddelerin sottarda, qylmystyq qýdalaý organdarynda, ózge memlekettik organdarda, memlekettik emes uıymdarda qorǵaý jáne bildirý túrinde kórsetiledi.
2. Advokat kórsetken zań kómegine aqy tóleý, ony esepke alý, konsýltasııa berýge, qorǵaý men ókildik etýge baılanysty shyǵystardy óteý tártibi, sondaı-aq onyń eńbekaqy mólsheri
3. Advokattar mynalarǵa:
1) sottar asyraýshysynyń qaıtys bolýy, jumyspen baılanysty mertigýi nemese densaýlyǵynyń ózgedeı zaqymdanýy arqyly keltirilgen zııandy óteý týraly isterdi qaraǵan kezde qýynýshylarǵa;
2) eger sot qarap jatqan daý kásipkerlik qyzmetpen baılanysty bolmasa, Uly Otan soǵysynyń qatysýshylary men olarǵa teńestirilgen adamdar, merzimdi qyzmettegi áskerı qyzmetshiler, I jáne II toptardaǵy múgedekter, jasy boıynsha zeınetkerler bolyp tabylatyn qýynýshylar men jaýapkerlerge;
3) alımentter óndirip alý, zeınetaqy men járdemaqylar taǵaıyndaý, aqtaý, bosqyn nemese oralman mártebesin alý máseleleri boıynsha jeke tulǵalarǵa, ata-anasynyń qamqorlyǵynsyz qalǵan kámeletke tolmaǵandarǵa memleket kepildik bergen zań kómegin tegin kórsetedi, qajet bolǵan jaǵdaılarda quqyqtyq sıpattaǵy jazbasha qujattardy jasaıdy.
4. Qazaqstan Respýblıkasy Qylmystyq is júrgizý kodeksiniń 71, 72-baptarynda, 80-babynyń ekinshi bóliginde, 408-babynyń tórtinshi bóliginde, 455-babynyń besinshi bóliginde, 467-1-babynda, Qazaqstan Respýblıkasy Azamattyq is júrgizý kodeksiniń 114 jáne 304-baptarynda, «Ákimshilik quqyq buzýshylyqtar týraly» Qazaqstan Respýblıkasy kodeksiniń 590-babynda, «Advokattyq qyzmet týraly» Qazaqstan Respýblıkasynyń Zańy 5-babynyń 2-tarmaǵynda jáne 6-babynda jáne «Memleket kepildik bergen zań kómegi týraly» Qazaqstan Respýblıkasynyń Zańynyń 13-babynda belgilengen jaǵdaılarda jáne tártippen advokattar quqyqtyq konsýltasııa berý, jeke tulǵalardyń múddelerin qorǵaý men ókildik etý túrlerindegi memleket kepildik bergen zań kómegi, sondaı-aq advokattardyń qorǵaý men ókildik etýge baılanysty shyǵystaryn óteý ákimshisi Qazaqstan Respýblıkasynyń Ádilet mınıstrligi bolyp tabylatyn respýblıkalyq bıýdjet baǵdarlamasy boıynsha bıýdjet qarajatynyń esebinen qarjylandyrylady.
5. Advokat osy Qaǵıdalardyń 4-tarmaǵynda kórsetilgen tulǵalarǵa quqyqtyq konsýltasııa túrinde tegin zań kómegin esepke alýdy quqyqtyq konsýltasııa berýdi esepke alý tiziliminde (budan ári tizilim) júrgizedi, onda:
1) zań kómegin alýǵa júgingen tulǵanyń tegi, aty, ákesiniń aty;
2) zań kómegin alýǵa júgingen adamnyń jeke basyn kýálandyratyn qujattyń, al zań kómegin alýǵa ókili júgingen jaǵdaıda – ókildiń ókilettikterin kýálandyratyn qujattyń da ataýy men derektemeleri;
3) quqyqtyq konsýltasııa berý túrinde zań kómegin alý úshin negiz bolyp tabylatyn qujattyń ataýy men derektemeleri;
4) zań kómegin alýǵa júgingen tulǵanyń nemese onyń ókiliniń turǵylyqty jeri;
5) quqyqtyq problemanyń máni;
6) kórsetilgen zań kómeginiń máni: aýyzsha nemese jazbasha konsýltasııa berý, aryzdy, shaǵymdy, ótinishhatty jáne quqyqtyq sıpattaǵy basqa da qujattardy jasaý;
7) zań kómegin alýǵa júginý kúni;
8) zań kómegi kórsetilgen kúni;
9) zań kómegin kórsetý uzaqtyǵy;
10) zań kómegin alǵan tulǵanyń qoltańbasy;
11) advokattyń qoltańbasy kórsetiledi.
6. Tizilimniń negizinde advokat quqyqtyq konsýltasııa berý boıynsha atqarylǵan jumys týraly aı saıyn akt jasaıdy, onda:
1) advokattyń tegi, aty, ákesiniń aty;
2) tegin zań kómegi kórsetilgen adamdardyń sany;
3) aýyzsha nemese jazbasha berilgen zań konsýltasııalarynyń sany;
4) jasalǵan quqyqtyq sıpattaǵy jazbasha qujattardyń sany;
5) zań kómegi kórsetilgen saǵattyń jalpy sany;
6) tólenýge jatatyn jalpy soma;
7) advokattyń qoltańbasy kórsetiledi.
Quqyqtyq konsýltasııa berý boıynsha atqarylǵan jumys týraly akti men tizilimdi advokattar aýmaqtyq alqasynyń memleket kepildik bergen zań kómegin kórsetýdi uıymdastyrýǵa jaýapty qurylymdyq bólimshesiniń basshysy tekseredi jáne advokattar aýmaqtyq alqasynyń tóralqasyna atqarylǵan jumys týraly eseppen birge usynady.
Eseptik aı ishindegi quqyqtyq konsýltasııa berý boıynsha atqarylǵan jumystar aktisiniń kóshirmeleri men quqyqtyq konsýltasııa berýdi esepke alý tizilimi advokattyń is-qaǵazdaryna qosa tirkeledi.
7. Is júrgizýdiń tıisti satylarynda advokattyń naqty is boıynsha jumys isteý uzaqtyǵy mynadaı:
1) eki baǵytta advokattyń tergeý jáne ózge de is-áreketterdi júrgizý ornyna jol júrýge, sot otyrystaryna qatysýǵa, qamaýǵa alynǵan nemese ákimshilik ustaýǵa alynǵan adamǵa barýǵa;
2) tergeý nemese ózge is-áreketterdiń bastalýyn kútýge;
3) sot otyrysynyń bastalýyn jáne ol keıinge qaldyrylǵan jaǵdaıda jalǵasýyn kútýge;
4) qylmystyq is júrgizýdiń sotqa deıingi satylarynda is materıaldarymen, onyń ishinde ustaý hattamasymen, bultartpaý sharasyn qoldaný týraly qaýlymen, kúdiktiniń, aıyptalýshynyń nemese qorǵaýshynyń óziniń qatysýymen júrgizilgen tergeý is-áreketter hattamalarymen, kúdiktige jáne (nemese) aıyptalýshyǵa usynylǵan ne usynylýy tıis bolǵan qujattarmen tanysýǵa;
5) qylmystyq, azamattyq is jáne ákimshilik quqyq buzýshylyq týraly is boıynsha is júrgizýdiń tıisti satylarynda is materıaldarymen, sot otyrystarynyń hattamalarymen tanysýǵa;
6) ótinishhattardy, aryzdardy, sot otyrystarynyń hattamalaryna eskertýlerdi, is boıynsha jeke, apellıasııalyq, kassasııalyq, qadaǵalaý jáne ózge shaǵymdardy jasaýǵa;
7) qorǵaý jelisin ázirleý jáne is boıynsha is júrgizý barysynda týyndaǵan máseleler boıynsha konsýltasııa berý úshin qamaýǵa alynǵan nemese ákimshilik ustaýǵa ushyraǵan adamǵa barýǵa jumsalǵan ýaqytty eskerile otyryp aıqyndalady.
8. Qamaýǵa alynǵan kúdiktimen nemese aıyptalýshymen ne ákimshilik ustaýǵa, alyp kelýge, ishki ister organyna (polısııaǵa) májbúrlep ákelýge ushyraǵan adammen kezdesý kezinde advokattyń jumys isteý ýaqyty advokattyń kezdesý ornyna eki baǵytta jol júrý ýaqytyn (rastaıtyn qujattar bar bolǵan kezde), ótýge ruqsat qaǵazyn resimdeýdi, qorǵalýshynyń shyǵýyn kútý, ýaqytsha ustaý ızolıatorynyń kezdesý bólmesiniń nemese tergeý kabınetiniń bosaý ýaqytyn eskere otyryp, ishki ister organdarynyń tergeý ızolıatorynyń, ýaqytsha ustaý ızolıatorlarynyń nemese arnaıy qabyldaǵyshtarynyń anyqtamalary boıynsha belgilenedi.
9. Naqty is materıaldarymen tanysý, ótinishhattardy, aryzdardy, apellıasııalyq, kassasııalyq jáne ózge de shaǵymdardy jasaý uzaqtyǵyn mynadaı mán-jaılardyń keminde bireýi oryn alǵan kezde onyń is júzindegi kúrdeliligin eskere otyryp tıisti organ aıqyndaıdy:
1) taǵylǵan qylmystardyń sany men aýyrlyǵy;
2) kúdiktilerdiń, aıyptalýshylardyń, sottalýshylardyń sany;
3) is materıaldarynyń kólemi.
10. Is boıynsha bas sot talqylaýy Qazaqstan Respýblıkasynyń Qylmystyq is júrgizý kodeksinde belgilengen tártippen basqa ýaqytqa ne basqa kúnge aýystyrylǵan jaǵdaıda, eger advokat osy ýaqytta basqa adamdarǵa zań kómeginiń ózge túrlerin kórsetpese, bas sot talqylaýynyń jalǵasýyn kútýdiń, biraq bir kúnnen aspaıtyn ýaqytyna aqy tólenýi tıis.
11. Advokat basqa jerge jol júre otyryp zań kómegin kórsetken jaǵdaıda, eger ol osy kúni basqa ister boıynsha is júrgizýge qatyspasa, is boıynsha sot talqylaýynyń uzaqtyǵyna qaramastan, tolyq jumys kúni úshin aqy tólenedi.
12. Oǵan qatysty ákimshilik quqyq buzýshylyq týraly is boıynsha is júrgiziletin kúdikti, aıyptalýshy, sottalýshy, sottalǵan adam Qazaqstan Respýblıkasy Qylmystyq is júrgizý kodeksiniń 72-babynyń ne Qazaqstan Respýblıkasy Ákimshilik quqyq buzýshylyq týraly kodeksiniń 589-babynyń tártibimen taǵaıyndalǵan advokattan bas tartqan jaǵdaıda, advokattyń is materıaldarymen tanysýǵa, kezdesý kezinde zań kómegin kórsetýge, osyndaı bas tartýdy is júrgizý resimdeýine jumsaǵan ýaqyty, sondaı-aq basqa jerge jol júrgen jaǵdaıda issapar jáne basqa da shyǵystary tólenýge jatady.
13. Advokattar kórsetetin memleket kepildik bergen zań kómegine aqy tóleý mólsherlemesi boıynsha mynadaı mólsherde júrgiziledi:
1) myna:
tergeýge deıingi tekserý, tergeý, anyqtaý satylarynda jáne aýyr emes jáne aýyrlyǵy ortasha qylmystar jasaýǵa kúdiktilerdiń, aıyptalýshylardyń qorǵaýshylary retinde sot talqylaýlaryna, sondaı-aq atalǵan qylmystardyń nátıjesinde jábirlengen adamdardyń ókilderi retinde qatysqan kezde;
Qazaqstan Respýblıkasynyń Azamattyq is júrgizý kodeksi 114-babynyń 1-tarmaǵynda jáne 304-babynda tizbelengen adamdardyń ókilderi retinde azamattyq ister boıynsha qatysqan kezde;
ákimshilik jaýapqa tartylatyn adamdy ákimshilik ustaý sátinen bastap ákimshilik quqyq buzýshylyqtar týraly ister boıynsha nemese ákimshilik quqyq buzýshylyq týraly hattama jasaǵan kezde;
«Advokattyq qyzmet týraly» Qazaqstan Respýblıkasy Zańy 6-babynyń 1-tarmaǵynda tizbelengen adamdarǵa quqyqtyq konsýltasııa berý túrinde zań kómegin kórsetý kezinde Qazaqstan Respýblıkasynyń zańnamasynda belgilenetin jalaqynyń eń az mólsheriniń 1/21 bóligi;
2) aýyr qylmystardy jasaǵan kúdikti, aıyptalýshy adamdardyń qorǵaýshylary retinde, sondaı-aq atalǵan qylmystardyń saldarynan jábirlengen adamdardyń ókilderi retinde tergeýge deıingi tekserý, tergeý, anyqtaý jáne sot talqylaýlaryna qatysý kezinde Qazaqstan Respýblıkasynyń zańnamasymen belgilenetin jalaqysynyń eń az mólsheriniń 1/15 bóligi;
3) asa aýyr qylmystardy jasaǵan kúdikti, aıyptalýshy adamdardyń qorǵaýshylary retinde, sondaı-aq atalǵan qylmystardyń saldarynan jábirlengen adamdardyń ókilderi retinde tergeýge deıingi tekserý, tergeý, anyqtaý jáne sot talqylaýlaryna qatysý kezinde Qazaqstan Respýblıkasynyń zańnamasynda belgilenetin jalaqynyń eń az mólsheriniń 1/10 bóligi.
Advokattyń anyqtaýshynyń, anyqtaý organynyń, tergeýshiniń, prokýrordyń, sottyń nemese qylmystyq is boıynsha sýdıanyń sheshimderi men is-áreketterine shaǵymdardy jasaý, qylmystyq, azamattyq isti nemese ákimshilik quqyq buzýshylyq týraly isti júrgizýmen baılanysty apellıasııalyq, kassasııalyq, qadaǵalaý jáne ózge de shaǵymdardy jasaý ýaqytyna aqy tóleý osy tarmaqtyń tıisinshe ekinshi, jetinshi jáne segizinshi abzastarynda belgilengen mólsherlerde júrgiziledi.
14. Qazaqstan Respýblıkasy Qylmystyq is júrgizý kodeksiniń 68-babynda belgilengen merzim aıaqtalatyn, keıinge qaldyrýǵa bolmaıtyn jaǵdaıda túngi ýaqytta kúdiktige, aıyptalýshyǵa jaýap alý barysynda zań kómegin kórsetýdiń árbir saǵatyna, qorǵalýshyǵa taǵylǵan qylmystyń sanatyna baılanysty osy Qaǵıdalardyń 13-tarmaǵynyń tıisinshe ekinshi, jetinshi jáne segizinshi abzastarymen belgilengen bir jarym mólsherden tómen bolmaıtyn aqy tólenedi.
Qazaqstan Respýblıkasy Qylmystyq is júrgizý kodeksiniń 68-babynda belgilengen merzim aıaqtalatyn demalys jáne mereke kúnderi kúdiktiden nemese aıyptalýshydan jaýap alý barysynda kúdiktige, aıyptalýshyǵa zań kómegin kórsetýdiń árbir saǵatyna qorǵalýshyǵa taǵylǵan qylmystyń sanatyna baılanysty osy Qaǵıdalardyń 13-tarmaǵynyń ekinshi, jetinshi jáne segizinshi abzastarymen belgilengennen eki eseden kem emes mólsherde aqy tólenedi.
15. Advokattyń kúdiktimen ne qamaýǵa alynǵan aıyptalýshymen, ne ákimshilik ustaýǵa alynǵan adammen jumys isteý ýaqyty advokattyń eki baǵytta jol júrýin eskere otyryp, kez-kelgen is boıynsha qorǵalýshyǵa taǵylǵan qylmystyń sanatyna baılanysty osy Qaǵıdalardyń 13-tarmaǵynyń tıisinshe ekinshi, jetinshi jáne segizinshi abzastarymen belgilengen mólsherde tólenedi.
Advokattyń tergeý nemese ózge de is-árekettiń bastalýyn, sot otyrysynyń bastalýyn jáne ol keıinge qaldyrylǵan jaǵdaıda jalǵasýyn kútý ýaqyty qaralyp otyrǵan is boıynsha Qaǵıdalardyń 13-tarmaǵynyń birinshi abzasynda belgilengen aqynyń 50 paıyzy mólsherinde tólenedi.
16. Advokattar kórsetetin memleket kepildik bergen zań kómegine aqy tóleý jáne olardyń qorǵaý men ókildik etýge baılanysty shyǵystaryn respýblıkalyq bıýdjet qarajatynyń esebinen tóleýdi aýmaqtyq ádilet organdary mynadaı qujattardyń:
1) 2013 jylǵy 3 shildedegi «Memleket kepildik bergen zań kómegi týraly» Qazaqstan Respýblıkasynyń Zańy 13-babynyń 4-tarmaǵymen belgilengen tártippen aýmaqtyq ádilet organy advokatpen jasaǵan memleket kepildik bergen zań kómegi týraly kelisimderdiń;
2) qylmystyq ister boıynsha, ákimshilik quqyq buzýshylyqtar týraly ister boıynsha, qylmystyq isti júrgizetin organdardyń qaýlysy, advokatty Qazaqstan Respýblıkasy Qylmystyq is júrgizý kodeksiniń 71, 72-baptarynda, 80-babynyń ekinshi bóliginde, 408-babynyń tórtinshi bóliginde, 455-babynyń besinshi bóliginde, 467-1-babynda, Qazaqstan Respýblıkasy Azamattyq is júrgizý kodeksiniń 114 jáne 304-baptarynda, Qazaqstan Respýblıkasy Ákimshilik quqyq buzýshylyqtar týraly kodeksiniń 590-babynda kózdelgen tártippen taǵaıyndaý týraly azamattyq ister jónindegi uıǵarymnyń;
3) adamdy zań kómegine aqy tóleýden bosatý jáne onyń ókildik etýge baılanysty shyǵystardy respýblıkalyq bıýdjet qarajaty esebinen óteý týraly qylmystyq ister boıynsha, ákimshilik quqyq buzýshylyqtar týraly ister boıynsha qaýlynyń, sottyń nemese sýdıanyń uıǵarymnyń;
4) advokattar aýmaqtyq alqasynyń advokattar kórsetken zań kómegine aqy tóleý týraly jáne qorǵaýǵa, ókildik etýge baılanysty shyǵystardy bıýdjet qarajaty esebinen óteý týraly ótinimniń (budan ári – О́tinim) negizinde júrgizedi.
17. Advokattardyń aýmaqtyq alqasy advokattardyń olar memleket kepildik bergen zań kómegin kórsetkeni jáne bıýdjet qarajaty esebinen tólenýge jatatyn somalar týraly ótinishteriniń negizinde ótinimdi jasaıdy, oǵan mynadaı qujattar:
1) qylmystyq ister boıynsha - kúdiktini, aıyptalýshyny, sottalǵandy, jábirlenýshini zań kómegine aqy tóleýden bosatý týraly, advokattyń eńbegine aqy tóleý jáne qorǵaý men ókildik etýge baılanysty onyń shyǵystaryn respýblıkalyq bıýdjet qarajaty esebinen tóleý týraly qylmystyq is júrgizetin organnyń qaýlysy;
2) azamattyq ister boıynsha – adamdy zań kómegine aqy tóleýden bosatý jáne ókildik etýge baılanysty shyǵystardy respýblıkalyq bıýdjet qarajaty esebinen óteý týraly sottyń nemese sýdıanyń uıǵarymy;
3) ákimshilik quqyq buzýshylyqtar týraly ister boıynsha – adamdy zań kómegine aqy tóleýden bosatý jáne ókildik etýge baılanysty shyǵystardy respýblıkalyq bıýdjet qarajaty esebinen óteý týraly sýdıanyń, ákimshilik quqyq buzýshylyqtar týraly isterdi qaraýǵa ýákilettigi bar organnyń (laýazymdy tulǵanyń) qaýlysy;
4) quqyqtyq konsýltasııa berý boıynsha – advokat atqarǵan jumysy týraly akt qosa beriledi.
Advokattardyń aýmaqtyq alqasy ótinimdi jasaý aldynda advokattardyń ótinishterinde olar memleket kepildik bergen zań kómegin kórsetkeni jáne bıýdjet qarajaty esebinen tólenýge jatatyn somalar týraly qamtylǵan málimetterdiń dáıektiligin tekseredi.
18. Advokat tergeýge deıingi tekserý, tergeý nemese anyqtaý satylarynda kórsetetin memleket kepildik bergen zań kómegine aqy tóleý týraly jáne advokattyń qorǵaý men ókildik etýge baılanysty shyǵystaryn respýblıkalyq bıýdjet qarajaty esebinen óteý týraly qaýly advokat tapsyrysty oryndaǵannan keıin bir mezgilde, al tapsyrys bir aıdan uzaq ýaqyt oryndalǵan kezde – ár aıdyń sońǵy jumys kúninen keshiktirmeı shyǵarylady jáne tapsyrylady.
Advokat qylmystyq is boıynsha kórsetetin zań kómegine aqy tóleý týraly jáne qorǵaý men ókildik etýge baılanysty shyǵystardy respýblıkalyq bıýdjet qarajaty esebinen óteý týraly sottyń qaýlysy úkimdi shyǵarýmen ne isti qosymsha tergeýge joldaý nemese isti toqtatý týraly is júrgizý sheshimin qabyldaýmen bir mezgilde shyǵarylady jáne tapsyrylady.
Sot talqylaýy bir aıdan asa ýaqyt alǵan kezde sottyń qaýlysy aı saıyn shyǵarylady.
Advokat azamattyq is boıynsha kórsetken memleket kepildik bergen zań kómegine aqy tóleý jáne onyń ókildik etýge baılanysty shyǵystaryn óteý týraly uıǵarym sheshim shyǵarýmen bir mezgilde engiziledi jáne tapsyrylady.
Advokattyń ákimshilik jaýapqa tartylǵan adamǵa kórsetken memleket kepildik bergen zań kómegi úshin aqy tóleý týraly jáne advokattyń qorǵaýǵa baılanysty shyǵystaryn óteý týraly qaýly ákimshilik quqyq buzýshylyq týraly is boıynsha qaýlyny shyǵarýmen bir mezgilde engiziledi jáne tapsyrylady.
Qaýlynyń nemese uıǵarymnyń bir danasy tıisti istiń materıaldaryna qosa tirkeledi, ekinshi danasy aýmaqtyq ádilet organyna ol shyǵarylǵannan keıin kelesi kúnnen keshiktirmeı joldanady, úshinshi danasy advokatqa ol shyǵarylǵan kúni beriledi.
19. Advokat qylmystyq is júrgizýdiń sotqa deıingi satylarynda, sondaı-aq ákimshilik quqyq buzýshylyq týraly is boıynsha is júrgizýde kórsetken memleket kepildik bergen zań kómegine aqy tóleý týraly jáne qorǵaý men ókildik etýge baılanysty shyǵystardy rsepýblıkalyq bıýdjet qarajaty esebinen óteý týraly qaýlyda:
1) qaýlyny shyǵarǵan anyqtaýshynyń, tergeýshiniń nemese ákimshilik quqyq buzýshylyq týraly isti qaraýǵa ýákiletti laýazymdy tulǵanyń (budan ári – tıisti organ) laýazymy, tegi, aty-jóni;
2) istiń ataýy;
3) zań kómegine aqy tóleýden jáne qorǵaýǵa nemese ókildik etýge baılanysty shyǵystardy óteýden bosatylǵan adamnyń tegi, aty, ákesiniń aty;
4) qylmystyq is boıynsha tańdalǵan bultartpaý sharasy nemese ákimshilik quqyq buzýshylyq týraly is boıynsha is júrgizýdi qamtamasyz etý sharasy (ákimshilik quqyq buzýshylyq týraly hattamany jasaý ornyna jetkizý, ne ákimshilik ustaý, ákelý, júrip-turý erkindigin aldyn alý shekteý);
5) tapsyrysty oryndaǵan advokattyń tegi, aty, ákesiniń aty, onyń is júrgizý ókilettigin kýálandyratyn orderdiń nomeri men berilgen kúni;
6) advokat qatysqan is júrgizý kúni, ýaqyty, orny jáne tergeý men ózge is-áreketterdiń túrleri;
7) advokattyń is júrgizý is-árketterinde jumys isteý uzaqtyǵy jáne tólenýge jatatyn soma;
8) kúnin, ýaqytyn jáne tólenýge jatatyn somany kórsete otyryp tergeý nemese is júrgizý is-áreketiniń bastalýyn kútý ýaqyty;
9) advokat zań kómegin kórsetý úshin jol júrýge baılanysty issaparǵa jumsaǵan kúnderdiń sany;
10) tólenýge jatatyn jalpy soma;
11) advokat múshesi bolyp tabylatyn tıisti advokattar alqasynyń tolyq ataýy men bank derektemeleri kórsetiledi.
20. Advokat sotta kórsetken memleket kepildik bergen zań kómegine aqy tóleý týraly jáne qorǵaý men ókildik etýge baılanysty shyǵystardy respýblıkalyq bıýdjet qarajaty esebinen óteý týraly sottyń nemese sýdıanyń qaýlysynda nemese uıǵarymynda:
1) tıisti sottyń ataýy, qaýlyny nemese uıǵarymdy shyǵarǵan sýdıanyń laýazymy, tegi, aty-jóni;
2) istiń ataýy, qaraý orny men kúni;
3) zań kómegine aqy tóleýden jáne qorǵaý men ókildik etýge baılanysty shyǵystardy óteýden bosatylǵan adamnyń tegi, aty, ákesiniń aty;
4) tapsyrysty oryndaǵan advokattyń tegi, aty, ákesiniń aty, onyń is júrgizý ókilettigin kýálandyratyn orderdiń nómeri men berilgen kúni;
5) advokattyń is boıynsha is júrgizýdiń tıisti satysyna qatysý uzaqtyǵy men tólenýge jatatyn soma;
6) sot otyrysynyń bastalýyn kútý ýaqytynyń uzaqtyǵy men tólenýge jatatyn soma;
7) bas sot talqylaýy keıinge qaldyrylǵan jaǵdaıda onyń jalǵastyrylýyn kútý ýaqytynyń uzaqtyǵy;
8) zań kómegin kórsetý úshin jol júrýge baılanysty issapar kúnderiniń sany, óteýge jatatyn shyǵystardyń túrleri men somasy;
9) tólenýge jatatyn soma;
10) advokat múshesi bolyp tabylatyn tıisti advokattar alqasynyń tolyq ataýy men bank derektemeleri kórsetiledi.
21. Advokattyń naqty is boıynsha taǵaıyndalýy boıynsha qorǵaý men ókildik etýin júzege asyrý úshin basqa jerge issaparǵa jol júrýge baılanysty shyǵystary memleket esebinen qamtylatyn memlekettik mekemelerdiń qyzmetkerleri úshin kózdelgen normalar men tártippen respýblıkalyq bıýdjet qarajaty esebinen óteýge jatady.
22. Advokattardyń aýmaqtyq alqasy eseptik aıdan keıingi aıdyń 2 kúnine deıingi merzimde, al jeltoqsan úshin – eseptik aıdyń 15 kúninen keshiktirmeı aýmaqtyq ádilet organyna ótinim joldaıdy.
23. Aýmaqtyq ádilet organy advokattardyń aýmaqtyq alqasynan kelip túsken ótinimniń jáne oǵan qosa berilgen qujattardyń negizdiligi men dáıektiligin tekseredi, advokattarǵa tólenýi tıis qarajatty qarjylandyrýǵa arnalǵan ótinim jasaıdy jáne ony eseptik aıdan keıingi aıdyń 10 kúninen keshiktirmeı, al jeltoqsan úshin – eseptik aıdyń 20 kúninen keshiktirmeı Qazaqstan Respýblıkasynyń Ádilet mınıstrligine joldaıdy.
Advokattardyń aýmaqtyq alqasy aǵymdaǵy jylǵy 15 jeltoqsannan keıin usynǵan advokattarǵa tólenýge jatatyn qarjyny qarjylandyrý respýblıkalyq bıýdjetten kelesi jyly bólinetin qarajatynyń esebinen tólenýge jatady.
24. Memleket kepildik bergen zań kómegin qarjylandyrýǵa jiberiletin respýblıkalyq bıýdjet qarajatyn tıimdi paıdalanýyn baqylaýdy aýmaqtyq ádilet organy júzege asyrady.