Avstralııa polıseıleri eki aptadan astam ýaqyt buryn joǵalyp ketken nemis saıahatshysyn tapty. Bul týraly Utro.ru habarlady.
Saıahatshy osynshama ýaqyt boıy shól dalada adasyp júrip, ashtan ólmes úshin qurt-qumyrsqalardy qorek etipti.
Aqpannyń sońynda Danıel Dýdzıj esimdi Germanııa azamaty Avstralııanyń shyǵys bóligin jaıaý júrip ótpek bolyp, joryqqa shyqqan eken. Alaıda, shóldi aımaqqa jetken ol qumdy burqasynda adasyp ketken kórinedi.
Basynan ótken oqıǵaǵa qaramastan, saıahatshy óz joryǵyn ári qaraı jalǵastyrýdy josparlap otyr. Bul joly ol Avstralııanyń soltústik bóligine attanbaqshy.
Nemis saıahatshysy avstralııalyq Debora de Ýılıamnyń joryǵyn qaıtalaýǵa bekingen sekildi. Birneshe jyl buryn ekinshisi Melbýrn qalasyndaǵy úıinen shyǵyp, eldi jaıaý aralap shyqqan bolatyn. Mundaı ekstremaldy saıahatqa ol bir jyl ýaqytyn jumsaǵan eken.
Aıdar О́risbaev.
Derekkóz: Utro.ru.
Foto: Stormnews.ru.