«Túrkistan» kemesi saparǵa shyqty

Jaqynda Aqtaý portynan «Túrkistan» qurǵaq júk kemesi saparǵa shyqty. Ol týraly «Halyqaralyq áıelder merekesi qarsańynda bes myń tonnalyq kemege eksportqa shyǵarylatyn bıdaı tıele bastady», dep habarlady «KTZ Express» AQ atqarýshy dırektory keme kapıtany Mıhaıl Iаlbachev. Keme eki kún jol júrip naý­ryz­dyń 10-ynda Kaspıı jaǵa­la­ýyndaǵy porttyń birine aıaldady. On adamnan turatyn ekıpajdy kapıtan Dmıtrıı Nestratov bas­qarady. «Túrkistan» kemesinen keıin «Beket ata» kemesine júk tıeledi. Ol da bes myń tonna júk tasıdy. Bul qurǵaq júk tasymaldaıtyn kemelerdi «QTJ» UK» AQ enshiles kásiporny «KTZ Express» 2013 jyly jeltoqsanda satyp alǵan bolatyn. «KTZ Express» Qazaqstannyń temirjol, áýe joly, teńiz joly kásiporyndarynyń arasynda mýltımodaldyq ope­ratorlyq qyzmetin atqarady. Qurǵaq júkter onyń ishinde astyq ónimderi, aǵash, metall buıymdary, metall synyqtary, iri jáne aýyr qurǵaq júkter Aqtaýdyń teńiz portyna temirjol arqyly jetkiziledi. 2013 jyly jeltoqsannyń 20-syn­da Qazaqstan Prezıdenti t­ike­­leı telekópir kezinde otandyq ke­me­lerdi «Túrkistan» jáne «Beket ata» dep ataýdy usynǵan bola­tyn. Bıylǵy jyldyń 10 qańta­rynda «Beket ata» men «Túr­kistan» QR halyqaralyq regı­s­trine №1 jáne №2 kemeleri bolyp tirkelip, olarda Qazaqstan týy kóterildi. Buıyrtsa, bul ke­me­ler Aqtaý porty arqyly 2014 jyly 300 myń tonna júk tasy­mal­danady degen jospardyń 15 paıyzyn qamtıdy degen úmit bar. Ol «Qazaqstandyq júk – qazaq­stan­dyq port – qazaqstandyq flot» tártibimen júrgiziledi. Nurbaı ELMURATOV, «Egemen Qazaqstan».