Italııanyń Parma qalasynda voleıboldan áıelder qurama komandasy arasynda ótetin álem chempıonatynyń negizgi kezeń jerebesi tartyldy. Bul týraly Qazaqstan voleıbol federasııasy habarlady.
Qazaqstan quramasy «S» tobynda oınaıtyn boldy. Naqty aıtqanda, bizdiń qyzdar «S»tobynda Reseı, Taıland, Gollandııa jáne Soltústik Amerıkanyń eki komandasymen kúsh synaspaq. Biraq, olardyń qaısysymen birinshi synǵa túseri aldaǵy ýaqytta anyqtalady. Qazirgi qolda bar málimetterge qaraǵanda, onyń biri AQSh bolýy múmkin. Al chempıonat Italııada 23 qyrkúıek pen 10 qazan kúnderi aralyǵynda ótedi.
Buǵan deıin elimizdiń voleıboldan áıelder qurama komandasy 2006 jáne 2010 jyldary álem chempıonattaryna qatysqanyn bilemiz. Munyń ekeýi de Japonııada ótti. Onyń alǵashqysynda komandamyz 17-shi,al sońǵy chempıonatta 24 quramanyń ishinde 21-shi oryn aldy.
Dastan Kenjalın.
Derekkóz:http:// www.volley.kz.
Foto: Alaman.kz.