Eldigimizdi, birligimizdi kórsetetin kúnderge tap boldyq. О́kinishke qaraı, teris pıǵyldy, jaýyz nıetti toptar syrttan, aqyly taıyz, ómirine rıza emes, óziniń, urpaǵynyń bolashaǵyn oılamaıtyndar ishten elimizdiń tynyshtyǵyn buzyp, halyqty qaıǵyǵa ushyratty.
Respýblıka ardagerleri bolyp jatqan buzaqylyqtyń toqtaýy úshin halyq arasynda aqsaqaldyq, aǵalyq, túsinik jumystaryn júrgizýde.
Shańyraǵymyzdyń shaıqalýyna umtylǵan topqa keshirim joq.
Elin, halqyn, abyroıyn oılanbaı otqa salǵan qandastarymyz óz qatesine zań aldynda jaýap berýge tıis.
Bul jaǵdaıda UQShU bitimgerlik mıssııasyn shaqyrý týraly sheshimniń durystyǵyna kóz jetkizdik.
Ǵasyrlar armandaǵan táýelsizdigimizge kóleńke túspegeı!
Prezıdentimiz Qasym-Jomart Kemelulynyń basshylyǵymen qabyldanyp jatqan sharalardy qoldap, tóńiregine toptasaıyq, aǵaıyn!
Baqtyqoja IZMUHAMBETOV,
Respýblıkalyq «Ardagerler uıymy» ortalyq keńesiniń tóraǵasy