Erteń, 19 naýryz kúni Astananyń «Barys» klýby qatysyp jatqan Gagarın kýbogy pleı-off kezeńiniń ekinshi aınalymyna bıletter satyla bastaıdy. Bul týraly «Barys» hokkeı klýbynyń baspasóz qyzmeti habarlady.
Pleı-offtyń ekinshi aınalymynyń birinshi oıyndary Astanada 21-22 naýryzda ótedi. «Barystyń» qarsylasy búgin Ýfa qalasynyń «Salavat Iýlaev» pen Nıjnıı Novgorod qalasynyń «Torpedo» komandalarynyń arasynda ótetin sońǵy kezdesýde sheshiledi. Qazir klýbtardyń arasyndaǵy alty matchtan keıingi jalpy esep – 3:3. Sóıtip, tórt jeńiske deıin sozylatyn serııada «Barystyń» kelesi qarsylasynyń kim bolatynyn búgin keshke ǵana bile alamyz. Bul match Astana ýaqytymen saǵat 19.00-de bastalady. Eskerte ketetin jaǵdaı, «Barys» HK saıtynan oıyn bıletterin satyp alýǵa bolady.
Dastan Kenjalın.
Derekkóz: hsbarys.kz
Foto: hsbarys.kz