Qazaqstandyq tennısshi Iаroslava Shvedova Dúnıejúzilik áıelder tennıs qaýymdastyǵynyń (WTA) reıtıngisinde bes satyǵa kóterildi. Bul týraly Qazaqstan tennıs federasııasy habarlady.
Ol korttaǵy áriptesi ári qurbysy Galına Voskoboevany basyp ozyp, qaıtadan elimizdiń birinshi raketkasy atandy. Qazir Shvedova álemdik reıtıngide 59-orynǵa kóterildi. Al Voskoboeva úsh satyǵa tómendep, 63-orynǵa jaıǵasty.Bizdiń taǵy bir tennısshimiz Zarına Dııas 13-satyǵa kóterilip 105-orynǵa shyqty. Iýlııa Pýtınseva 158-den 154-shi orynǵa taban tiredi. Osy arada Zarına Dııastyń AQSh-tyń Maıamı qalasynda úlken halyqaralyq týrnırge qatysqanyn aıta ketken jón.
Dastan Kenjalın.
Derekkóz: Qazaqstan tennıs federasııasy.
Foto: www.Dailynews.kz.