Erteń, 19 naýryz kúni Ońtústik Qazaqstan oblysynyń Túrkistan qalasynda «Tarlan» dene shynyqtyrý-saýyqtyrý kesheni ashylady. Bul týraly Qazaqstan boks federasııasy habarlady.
Keshenniń ashylý saltanaty saǵat 14.00-de ótedi. Oǵan Ońtústik Qazaqstan oblysynyń ákimi Asqar Myrzahmetov pen Qazaqstan boks federasııasynyń prezıdenti Tımýr Qulybaev qatysady.
Bul keshen Qazaqstan boks federasııasynyń jergilikti jerde sport ınfraqurylymyn damytýǵa arnalǵan baǵdarlamasyn iske asyrý maqsatynda salynǵan alǵashqy sport ǵımaraty. Keshen qazirgi zaman talaptaryna saı salynǵan. Onda bilikti jattyqtyrýshylardyń jetekshiligimen boks, dzıýdo, taekvondo men aýyr atletıka úıirmeleri jumys isteıtin bolady.
Dastan Kenjalın.
Derekkóz: Qazaqstan boks federasııasy.
Foto: Tukestancy.mirtesen.ru.