Taıaýda oblys ortalyǵyndaǵy Qajymuqan atyndaǵy №3 oblystyq olımpıadalyq rezervtiń mamandandyrylǵan balalar men jasóspirimder mektebiniń sportshylary qarttarǵa kitap syılady.
Bul qarttar Kókshetaý qalasyndaǵy pansıonatta turyp jatyr. Keıbireýine densaýlyǵyna baılanysty qarǵa adym jerdiń ózi muń. Onyń ústine qyzyl aımaqtaǵy óńirdi jaman tumaý býyp tur. Jalǵyzbasty jandardyń jan serigi – oı. Endigi jerde kóńili qalaǵan kitappen syrlasýdyń reti kelip-aq qaldy. Buryn da qarııalar ádebı kitapty kóp oqıtyn. Janǵa daýa izdeıtin, syrlasatyn. Aragidik ózderi tárizdi qamkóńildi keıipkerler de kezdesip qalady. Uqsas taǵdyrlardyń óristeýi shyǵarmada jaqsy aıaqtalsa, kóńilderin demdeıdi. Ánsheıin ermek emes, kól-kósir rýhanı baılyq.
– Biz syılaǵan kitaptardyń arasynda oqyrmandar tarapynan suranysqa ıe ádebı týyndylar bar. Sondaı-aq tarıhı taqyryptaǵy romandar da, jyr jınaqtary da úlkenderge qajet bolyp qalýy ábden múmkin, – deıdi mektep dırektory, belgili boksshy Rýslan Mýsınov.
Jyly júzdi júzdesý barysynda pansıonat dırektory Elena Kremeneskaıa sportshylarǵa aq alǵysyn bildirdi. Úlkenniń alǵysyn alǵanǵa ne jetsin, shirkin?!
Kókshetaý