Nur-Sultan qalalyq Polısııa departamenti Turan dańǵyly boıyndaǵy úıdiń mańynda munaraly krannyń qulaýynan jumysshy kóz jumǵanyn málimdedi, dep habarlaıdy Egemen.kz.
«Atalǵan fakti boıynsha QR Qylmystyq kodeksiniń 277-baby boıynsha qylmystyq is qozǵaldy (Qurylys jumystaryn júrgizý kezinde qaýipsizdik qaǵıdalaryn buzý, abaısyzda adam ólimine ákep soqqan is-áreket). Osy baǵytta tıisti sraptama taǵaıyndalyp, tergeý amaldary júrip jatyr», delingen departament taratqan habarlamada.
Ákimdik tapsyrmasy boıynsha tıisti komıssııa qurylmaq. Onyń quramynda QR Tótenshe jaǵdaılar mınıstrligi salalyq komıtetiniń ókilderi men basqa da ókiletti memlekettik organdardyń mamandary bolady. Komıssııa tehnıkalyq talaptarǵa saı kelmeıtin munaraly krandardy tekseredi.