Joǵary baǵa

Gaagadaǵy III Jahandyq ıadro­lyq qaýipsizdik sammıti biz­diń dáýirimizdiń taǵdyrsheshti máse­lelerin arqaý etken tarıhı bas­qosý ekendigi daý­syz. Mundaı forým­darda eleýsiz eshteńe bolmaıdy. El gazeti «Egemen Qazaqstan» jıyn qorytyndysyna arnalǵan nómiriniń tórinde memleket basshylarynyń emen-jarqyn sýretin jarııalaýy, onyń aldyńǵy sapynda bizdiń Prezıdenttiń turýy aıryqsha mańyzdy dep bilemin. Bul – búkil álem tarapynan Elbasymyzdyń jarqyn bastamalaryna, elimizdiń beıbitshil saıasatyna, bizdegi turaqtylyq pen ekonomıkalyq órleýge berilgen joǵary baǵa. Elbasy Nursultan Nazar­baevtyń bastamalary batyldyqqa, tereńdikke qurylǵan. Nursultan Ábishuly burynǵy KSRO memleketteri basshylary arasynda birinshi bolyp ıadrolyq qarýdy joıý jáne Ortalyq Azııada odan azat aımaq qurý týraly úndeý tas­tady. Sol kezdegi qolda bar qýat Ulybrıtanııa, Fransııa jáne Qytaı memleketteriniń arsenalyn birge qosqannan da kóp edi. Prezıdenttiń kóregen saıasa­ty onyń sammıtte sóılegen sóz­de­riniń naqtylyǵymen, basta­­­ma­shylyq ekpinimen daralan­dy. «Biz jahandyq ıadrolyq qaýip­­­siz­dikti nyǵaıtý isine turaqty túrde úles qosyp kelemiz jáne bu­dan ári kelesi baǵyttardy iske asy­rýǵa kúsh salý kerek dep sanaımyz: Birinshiden, tolyq jáne jappaı ıadrolyq qarýsyzdanýǵa qol jetkizý – ıadrolyq qaýipsizdikke kepildik beretin birden-bir amal dep esepteımiz. Ekinshiden, ıadro­lyq terrorızmdi jáne onyń ne­giz­­­derin túp-tamyrymen joıý ke­ıin­­ge qaldyrýǵa bolmaıtyn min­­detterdiń qataryna jatady», degen sózder jer júzi turǵyn­­­dary­­nyń júregimen aıtyldy dep oılaı­myn. Sonymen birge, Qazaqstan bas­shysynyń beıbit ıadrolyq baǵ­­darlamalardy qoldaýy, ıadro­lyq qarý­dan azat jańa aımaq­tar­dyń qurylýy, oǵan qatysýshy el­der­diń tynyshtyǵyna qaýip­siz­dik ke­pildiginiń berilýi týraly usy­nystary el bedelin asyra túsedi. Elbasymyz atap kórsetkendeı, Gaaga sammıti jahandyq qaýip­siz­diktiń daǵdarysy tusynda ótkizilgeni belgili. Soǵan baılanysty, ıadrolyq derjavalardyń ózine qabyldaǵan mindettemelerin keshendi túrde múltiksiz oryndaýy asa mańyzdy bolmaq. Bul oraıda, Prezıdentimizdiń osydan eki jyl burynǵy G-Global bastamasyn álemniń 190 eli qoldap otyrǵandyǵy Qazaqstannyń ja­handyq bedeli men jaýapker­shili­giniń artqandyǵyn kórsetedi. Ardaq QAPYShEV, A.Myrzahmetov atyndaǵy ýnıversıtettiń halyqaralyq qatynastar jáne tarıh kafedrasynyń meńgerýshisi. KО́KShETAÝ.