Gaaga qalasynda ótken álemdik sammıt Táýelsiz Qazaqstan men Elbasy Nursultan Nazarbaevtyń ǵalamdyq saıasattaǵy ornyn taǵy da aıqyndap berdi. Bul álemdik basqosýdyń «Semeı-Nevada» antııadrolyq qozǵalysynyń 25 jyldyǵymen qatar ótýi de atomsyz ǵalam jolyndaǵy qazaqstandyq bastamanyń mańyzyn arttyra tústi.
Besqaraǵaı aýdany atom synaǵy alańyna óte jaqyn ornalasqanyn barsha qazaqstandyqtar jaqsy biledi. Iаdrolyq synaqtyń zardabynan kóptegen zamandastarymyz dúnıeden erte ótip, qanshama adamdar múgedektik qıynshylyǵyn kórdi.
1989 jyly «Semeı-Nevada» qozǵalysy qurylyp, álem boıynsha ıadrolyq synaqtardyń qurbandaryn biriktirdi. El Prezıdentiniń №409 Jarlyǵy boıynsha ıadrolyq polıgon jabyldy. Atom synaǵynyń toqtatylýyna halyqtyq antııadrolyq qozǵalyspen birge Elbasynyń batyl sheshimi tikeleı áser etkeni búginde tarıh paraqtaryna aınalyp otyr.
Tuńǵysh Prezıdentimiz Nursultan Nazarbaev birden batyl qadamǵa baryp, Semeı polıgonynan bas tartty. Ol álemde osyndaı qýatty qarýdan sanaly túrde bas tartqan birinshi basshy boldy. О́ıtkeni, buryn-sońdy álemde mundaı qadam jasalmaǵan edi. Aıtýly tarıhı sheshim qazaq eliniń beıbitshil halyq ekenin búkil álemge tanytty. Elbasy Nursultan Nazarbaev bir sózinde: «1991 jyly 29 tamyzda №409 Jarlyqqa qol qoıdym, sol kúni Halyqaralyq ıadrolyq synaqqa qarsy kún retinde bekitilgeni – sımvolıkalyq nyshan», degen bolatyn. Mine, sol kúnnen bastap Elbasy saıasaty men berik ustanymynyń arqasynda beıbitshilik súıetin el retinde damý jolyna tústik.
Búgingi tańda tıisti zańnamaǵa sáıkes Besqaraǵaı aýdany boıynsha Semeı ıadrolyq polıgonynan zardap shekkenderge medısınalyq jáne áleýmettik kómekter kórsetilýde. Osy oraıda Semeı ıadrolyq synaq polıgony saldarynan zardap shekken azamattarǵa birjolǵy memlekettik aqshalaı ótemaqy tóleý jónindegi Úkimet qaýlysymen myńnan asa turǵynǵa áleýmettik kómek kórsetildi.
Sondaı-aq, óńir basshysynyń bastamasymen qolǵa alynǵan «Týǵan jerge –taǵzym» aksııasy aıasynda oblystyq máslıhat depýtaty, Shyǵys Qazaqstan oblysynyń Qurmetti azamaty, besqaraǵaılyq Omarbek Baıýaqovtyń demeýshiligimen telemarafon ótkizildi. Onda 2 mıllıon teńgeden astam qarjy jınalyp, múmkindigi shekteýli, turmysy tómen turǵyndarǵa taratyldy.
Táýelsizdik jyldarynda Qazaqstan ǵalamdy atom qasiretinen azat etýshi elge aınaldy. Memleket basshysy osy baǵytta kóptegen elderdi atomsyz ǵasyrǵa qadam basýǵa shaqyryp jatqanyna kýá bolyp júrmiz. Bul rette besqaraǵaılyqtar Elbasyny álemdik ıadrolyq qaýipsizdik saıasatynyń kóshbasshysy retinde qurmet tutady. Biz polıgon zardaptaryn basymyzdan ótkergen halyq retinde álemniń ıadrolyq qarýdan azat bolýyn qoldaımyz!
Asylbek QOJAHMETULY,
Qazaqstan Respýblıkasynyń mádenıet qaıratkeri,
Besqaraǵaı aýdanynyń qurmetti azamaty.
Shyǵys Qazaqstan oblysy.