Nıý-Iork bas prokýrory Letısııa Djeıms AQSh-tyń burynǵy prezıdenti Donald Tramptyń jyljymaıtyn múlikti damytý tobynyń jumysyn tergeýdi bastady.
Nıý-Iork qalasynyń soty burynǵy memleket basshysy azamattyq tergeý aıasynda paıda bolǵan kásipkerligine qatysty suraqtarǵa zań aldynda jaýap berýi kerek degen sheshim shyǵardy.
Sot Artýr Engoron beısenbide Donald Tramp pen onyń eki balasy Ivanka men kishi Donald Trampqa Nıý-Iork prokýrory byltyr jeltoqsanda bergen tapsyrmalardy oryndaýdy úkim etti.
Engoronnyń sheshimi boıynsha, Tramp pen onyń eki balasy 21 kún ishinde jaýap berýi kerek. Bul sheshimdi sot Tramp ofısiniń advokattaryn tyńdaǵannan keıin qabyldady.
«Basqa jaǵdaıda shtattyń bas prokýrory zańdyq tulǵanyń is-áreketterin tergeýdi bastaı alady. О́ıtkeni buǵan deıingi tergeý jumystary kóptegen qarjylyq alaıaqtyqqa dálel taýyp otyr. Sondyqtan kompanııa basshylyǵy zań aldynda jaýap berýi kerek», delingen sot sheshiminde.
L.Djeıms bastaǵan azamattyq tergeýmen qatar Manhetten prokýratýrasynyń da qylmystyq tergeýi júrgizilip jatyr. Bul burynǵy prezıdent pen onyń otbasynyń jaǵdaıyn qıyndata túspek.
Djeıms óziniń tergeýinde Tramptyń kompanııasy golf kýrorttar, ǵımarattar sııaqty aktıvterdi baǵalaýda alaıaqtyqqa barǵanyn anyqtaǵanyn málimdedi. Al bul baǵalaýlar memleketten kómek alyp, salyqty jeńildetý úshin jasalady. Alaıda Tramptyń advokattarynyń aıtýynsha, burynǵy prezıdent azamattyq tergeý aıasynda jaýap bergen jaǵdaıda onyń jaýabynyń barlyǵy qylmystyq tergeýde ózine qarsy qoldanylýy múmkin.
Osy rette Tramptyń balalarynyń advokaty Alan Fýterfas jaýap berýden bas tartqanyn aıta keteıik.