Qamkóńil jandar qatardan qalmaıdy

«Nur Otan» partııasynyń oblystyq fılıalynda ótkizilgen Elbasy Nursultan Nazarbaevtyń «Qazaqstan joly – 2050: bir maq­sat, bir múdde, bir bolashaq» at­ty halyqqa Joldaýyndaǵy beril­gen tapsyrmalardy oryndaý maqsatynda múgedek jandarǵa áleýmettik qoldaý kórsetý máse­lesine arnalǵan keńeıtilgen ke­ńes­ke aýdan ákimderiniń oryn­­­ba­sar­lary, múgedek jandarmen ti­keleı jumys jasaıtyn mem­lekettik organdardyń basshy­lary, barlyq deńgeıdegi máslı­hattardyń depýtattary, jumyspen qamtý mekemeleriniń basshylary, kásipodaq jetek­shileri, par­­tııalardyń, úkimettik emes uıym­dar­dyń ókilderi qatysty. Keńesti qysqasha sóz sóılep ashqan partııanyń oblystyq fı­lıalynyń tóraǵasy, oblys ákimi Arhımed Muhambetov Elbasynyń bıylǵy Joldaýynda elimizdegi múmkindigi shekteýli jandardy jumysqa ornalastyrýǵa kómek­tesýge jáne olardyń bel­sendi ómir súrýine qolaıly jaǵdaı týǵyzýǵa baılanysty naqty tapsyrmalar berilgenin, bul tapsyrmalardyń jaýapkershiligi negizinen «Nur Otan» partııa­syna júktelgenin tilge tıek ete kelip, partııanyń osy maq­sat­ta «Kedergisiz keleshek» at­ty múgedekterdiń turmysyn jaqsartýǵa baǵyttalǵan ıdeıany qolǵa alǵanyn, onyń tórt baǵytta júzege asyrylatynyn jetkizdi. Keńeste múmkindigi shekteýli jan­dardy qoldaýǵa baılanys­ty baıandama jasaǵan oblys ákiminiń orynbasary Sara Nur­qatova Elbasy Joldaýyndaǵy múgedekterdi jan-jaqty qoldap, olardyń problemalaryn oń sheshýge berilgen tapsyrmalardyń óńirde qalaı oryndalyp jatqanynan habardar etti. «Nur Otan» partııa­synyń «Kedergisiz keleshek» jobasy múgedekterdi turaqty eńbek ornyna jumysqa turǵyzý, múmkindigi shekteýli jandarǵa esh kedergisiz jaǵdaı jasaý, múgedekterdiń máselesine qoǵam men bıznestiń nazaryn aýdaratyndaı dárejede aqparattandyrý jumysyn kúsheıtý, sondaı-aq, múgedekterdiń quqyǵyn qorǵaýdy jaqsartatyn yqpaldy sharalar alýdy qarastyrady. Oblysta osy tórt baǵyt boıynsha jos­parly jumystar qolǵa alynýda. Oblys ákiminiń orynbasary Sara Nurqatovanyń aıtýynsha, múgedekterdi jumysqa ornalas­tyrýda oblys respýblıkada aldyńǵy oryndarda eken. Tek osy jańa joba aıasynda ústimizdegi jyldyń sońyna deıin oblys boıynsha áli de 810 múgedekti jumysqa ornalastyrý kózdelgen. Oblystyq jumyspen qamtýdy úılestirý jáne áleýmettik baǵdar­lamalar basqarmasynyń basshysy Altynbek Ámirǵalıev ǵıma­rattardy múgedek jandardyń júrip-turýyna beıimdeý jumys­taryna baılanysty qalada, aýdandarda qolǵa alynǵan sharalardy habarlady. Onyń aıtýynsha, 2600-ge jýyq mekeme men uıymdardyń 800-i ǵana múgedek jandarǵa qoljetimdi kórinedi. Qalǵandarynda múmkindigi shek­teý­li jandardyń kirip-shyǵýy qıyndyq keltiredi. 700-den astam nysanǵa pandýs ornatý kerek. Bıyl 41 mıllıon teńgege 66 nysanǵa ońtaılandyrý jumystaryn júr­gizý kózdelýde. Dybysty jáne sáýleli jaıaý júrginshiler joldaryn jáne baǵdarshamdaryn ornatýǵa da qarjy bólingen. Osy arada óńir basshysy Arhımed Mu­hambetov múgedek jandar úshin kásiporyndarda bólinetin 3 pa­ıyz­dyq kvotany qamtamasyz etýge aýdan ákimderi tikeleı jaýap be­retinin, al jańa nysandardy salý barysynda pandýstardyń bolýyn tekserý kerektigin jáne onyń bolýynyń joldaryn qaras­tyrý qajettigin qadap aıtty. Keńesti qorytyndylaǵan oblys ákimi aýdan ákimderine, mem­le­kettik organdarǵa múmkindigi shek­teýli jandarǵa udaıy qoldaý kór­setýge naqty tapsyrmalar berdi. Sonymen bir mezgilde «Nur Otan» partııasynyń «Kedergisiz keleshek» jobasy aıasynda bos ju­mys oryndary jármeńkesi uıymdastyryldy. Jármeńkege 98 jumys berýshi, úsh jumysqa ornalastyrý agenttigi qatysyp, 800-ge jýyq bos jumys orny usynyldy. Sondaı-aq, jármeńke aıasynda uıymdastyrylǵan kórme­de «Jumyspen qamtý-2020» baǵ­dar­lamasy aıasynda nesıe alyp, sharýa­syn dóńgeletip otyrǵan azamattar men qolónermen aınalysatyn múmkindigi shekteýli jandar óz taýarlaryn kópshilikke usyndy. Al bos jumys oryndary jármeńkesinde biraz adam jumysty bolyp qaldy. Satybaldy SÁÝIRBAI, «Egemen Qazaqstan». Aqtóbe oblysy.