El astanasynda jaqynda ashylǵan Qazaqbooks kitap dúkeninde jazýshy Mádı Aıymbetov oqyrmandarmen kezdesý ótkizip, avtograf-sessııa uıymdastyrdy.
Foliant baspasynan qalamgerdiń «Bopaı hanym» romany shyǵýyna oraı avtordy oqyrmandarmen osy baspa júzdestirdi.
Aıta keteıik, Ábilqaıyr hannyń jubaıy Bopaı hanymnyń beınesi bir ýaqytta ádebıettiń proza, dramatýrgııa, poezııa janrlarynda somdaldy. Jazýshy, dramatýrg Roza Muqanova drama jazyp, ol Q.Qýanyshbaev atyndaǵy Qazaq memlekettik akademııalyq mýzykalyq drama teatrynda qoıyldy. Kúni keshe ǵana Ulttyq akademııalyq kitaphanada aqyn Marjan Ershýdiń kitap bolyp shyqqan poemasynyń tanystyrylymy ótti. Al «Bopaı hanym» romany – Mádı Aıymbetovtiń alty-jeti jyldyq izdenisiniń jemisi. Jazýshy negizinen qazaq tarıhyn zerttegen orys tarıhshysy Irına Erofeevanyń zertteýlerine súıengen. Basqa da derekterdi aqtaryp, suryptap, shyǵarmany jeti aıda jazyp shyqqan.
Bul jaıynda avtor kezdesýde baıandady.
Oqyrmandar avtorǵa suraqtaryn qoıyp, kókeıde júrgen kóp túıtkiline jaýap aldy. Romannyń aty «Bopaı hanym» bola tura, shyǵarmada Ábilhaıyr hannyń beınesi basym bolýynyń sebebi ne?» degen suraqtarǵa avtor keńinen jaýap berdi.