Qostanaı oblysynda turatyn sheber Nıkolaı Rýden aǵashtan mehanıkalyq saǵat jasap shyǵardy. Bul týraly «Qazaqstan» telearnasy habarlady.
Qurylys kolledjinde uzaq jyl ustazdyq qyzmet atqaryp kele jatqan onyń negizgi mamandyǵy-aǵash ustasy. «Aǵashtan saǵat jasaý asa dáldikti qajet etedi. Ol ekologııalyq jaǵynan taza bolýymen erekshelenedi. Ári ol páterge jáne keńsege erekshe sán beredi»,-deıdi N. Rýden.
Sheber aǵashtan jasalǵan saǵatyn 2017 jyly Astanada ótetin halyqaralyq EKSPO kórmesine shyǵarýdy josparlap otyr. Jalpy bul azamat eki jyl ishinde 3 saǵat jasap shyǵarǵan. Al osy saǵattyń tegershikteri salmaq arqyly qozǵalysqa túsedi eken.
Aǵashtan saǵat jasaý asa yjdaǵattylyqty jáne tózimdilikti qajet etedi. Sondyqtan ony qurastyrýǵa birshama ýaqyt qajet.
Ámirhan Almaǵanbetov.
Derekkóz: «Qazaqstan» telearnasy.
Foto: «Qazaqstan» telearnasy.