Búgin, 27 naýryz kúni Astana qalasyndaǵy Kongress-Holl saraıynda múmkindigi shekteýli jandarǵa arnalǵan bos oryndar jármeńkesi ótedi. Bul týraly «Qazaqstan jańalyqtary» agenttigi habarlady.
«Múmkindigi shekteýli jandardy jumysqa ornalastyrý jáne belsendi ómirge tartý maqsatynda qalalyq Jumyspen qamtý jáne áleýmettik baǵdarlamalar basqarmasy «Nur Otan» partııasynyń Astana qalalyq fılıalymen birlesip Kongress Holl saraıynda bos oryndar jármeńkesin ótkizedi. Oǵan jumys berýshiler men múmkindigi shekteýli jandar shaqyrylǵan», - delingen habarlamada.
Qazirgi kezde Astana qalasynda 17 myńnan asa múgedek tirkelgen. Osyndaǵy qoǵamdyq birlestik músheleriniń aıtýynsha, olardyń kóbi eńbekke jaramdy eken.
Ámirhan Almaǵanbetov.
Derekkóz: «Qazaqstan jańalyqtary»
Foto: www.Elarna.com.