Sırııanyń soltústiginde búldirshinderdi jankeshtilikke daıyndaıtyn jattyǵý lageri quryldy. Bul týraly ITAR-TASS agenttigi habarlady.
«Ashbal al-Aazz» lagerinde 7-den 13 jasqa deıingi 50-ge jýyq bala daıyndyqtan ótýde. Jattyǵý lageri Ar-Raka qalashyǵynyń shyǵysyndaǵy At-Tabka dep atalatyn jerde ornalasqan.
Lagerdegi jattyqtyrýshylar balalardyń kez-kelgen buıryqty buljytpaı oryndaıtyndaryn aıtady. Kóbinese Sırııanyń kedeı otbasynan shyqqan balalaryn túrli tapsyrmany oryndatýǵa ońaı kóndirýge bolady eken. «Ashbal al-Aazz» lagerinde balalardy jankeshtilikke daıyndaýǵa 25 kúndeı ýaqyt jumsalady eken. Kýrsanttar 13 adamnan topqa bólinip, olardyń ishinen ár topqa basshy taǵaıyndalady. Jankeshtiler mektebinde zamanaýı qarýlardy biliktilikpen qoldanýdy úıretýge basymdyq beriledi. Al daıarlyq kýrsynan ótken bala «Irak pen Levant ıslam memleketi» ekstremıstik tobynyń múshesi bolady.
Aıdar О́risbaev.
Derekkóz: Itar-tass.com.
Foto: Newsstreet.ru.