Beısenbi kúni túnde Astanada jergilikti «Barys» Ýfanyń «Salavat Iýlaev» komandasyn utyp, serııanyń jalpy esebin 2:3-ke jetkizdi. Bul týraly ras.kz habarlady.
«Astanalyqtar Gagarın kýbogy ekinshi raýndynyń besinshi matchynda ýfalyqtardan basym tústi. Kezdesý 2:1 (1:1, 1:0, 0:0) esebimen aıaqtaldy», - delingen habarlamada.
Oıyndaǵy esepti 7-mınýtta «Barystyń» shabýylshysy Konstantın Rýdenko ashty. Alaıda, qonaqtar 8 mınýttan keıin tarazy basyn teńestire bildi. Shaıbany Ivan Vıshnevskıı saldy», - delingen habarlamada.
«Barys» 37-mınýtta joıqyn shabýylǵa shyǵyp taǵy bir shaıba soǵýǵa qol jetkizdi. Ony Dastın Boıd túsirdi. Keıin bolǵandaı, bul osy oıyndaǵy gol boldy.
Sóıtip, kezdesýde 2:1 esebimen jeńiske jetken «Barys» jalpy eseptiń 2:3 bolýyna qol jetkizdi.
Serııadaǵy altynshy match 29 naýryz kúni Ýfada ótedi. Osy oıynda alań ıeleri jeńiske jetse, eki komanda arasyndaǵy teketires te aıaqtalady.
Damır Qojamqul.
Derekkóz: ras.kz.
Foto: vesti.kz.