Qýanysh

Elbasymyzdyń 14 aqpan kúni Úkimettiń keńeıtilgen otyrysynda azamattyq qyzmetshilerdiń jalaqysyn, zeınetkerlerdiń zeınetaqysyn, sondaı-aq, járdemaqylardy kóterý jóninde bergen tapsyrmasynyń oryndala bastaıtyn ýaqytyna da sanaýly kúnder ǵana qaldy. Iаǵnı, tapsyrma 1 sáýirden bastap júzege aspaq. Osyǵan oraı el óńirlerinen redaksııa poshtasyna qýanyshtaryn jetkizgen, alǵystaryn bildirgen lebizder legi aǵylýda. Tómende sonyń birazyn jarııalaǵandy jón kórdik.

JIGERIMIZDI ARTTYRA TÚSETINI ANYQ

Ústimizdegi jyldyń aqpan aıynyń ortasynda Memleket basshysy Nursultan Nazarbaevtyń Úkimettiń keńeıtilgen májilisinde azamattyq qyzmetkerlerdiń jalaqysyn, zeınetkerlerdiń zeınetaqysyn jáne járdemaqy­lardy kezekten tys kóterý jó­nin­degi Úkimetke bergen tap­syr­masyn tyńdaǵanymda bir jaqsylyqtyń nyshanyn sezgen­deı qýanyp qalǵan edim. Osy qýa­nyshym beker emes eken. Endi, mine, men jumys isteıtin О́skemen qalasyndaǵy temir- jol qyzmetkerlerine arnalǵan aýrýhana ujymyndaǵylardyń da jalaqysy 1 sáýirden bastap 10 paıyzǵa kóteriletindigin estidik. Osy jaıynda habar jetken kezde qyzmetkerler birin-biri quttyqtap jatty. Meniń bul aýrýhanada bala­lar dárigeri bolyp qyzmet isteı bastaǵanyma biraz jyldardyń júzi boldy. Jalpy eńbek ótilim jıyrma jyldan asyp barady. Dáriger jumysy jeńil emes. О́ıt­keni, ár adamnyń densaýlyǵyna degen jaýapkershilik júgi mol bolsa, balalar jaǵdaıyna kelgende munyń salmaǵy tipti de eseleı túsetindigi anyq. Árıne, beınetti eńbektiń kim ıgiligin kórgisi kelmeıdi. Osy turǵydan alǵanda soń­ǵy ýaqyt­tary Memleket bas­shy­synyń tapsyrmasyna sáıkes densaýlyq salasyna zor kóńil bólinip jatqandyǵy, jańa medısınalyq tehnologııalardyń engizilýi, dárigerlerdiń eńbekaqylarynyń aýyq-aýyq arttyrylyp oty­rýy bizdiń salamyzdyń halyq aldyndaǵy mańyzy men jaýap­kershiliginiń zor ekendigin bildiretin bolsa kerek. Bizdiń ujymymyzdyń músheleri de osy talap deńgeıinen kórinýge umtylys tanytyp otyr. О́z ujymym týraly bir-eki aýyz sóz aıtatyn bolsam, temir­jol­shylarǵa arnalǵan bizdiń aýrýhana uzaq jyldardan beri jumys istep kele jatqan bilikti uıymdardyń qatarynan sanalady. Dárigerlerdiń bir-birine degen qurmeti men syılastyǵy da jaqsy. Qysqasyn aıtqanda, bir jaǵadan bas, bir jeńnen qol shyǵaryp degendeı uıymshyldyqpen eńbek etý ústindemiz. Al 1 sáýirden bastap jalaqymyzdyń 10 paıyzǵa kóteriletindigi bizdiń qyzmetke degen jigerimizdi odan ári arttyra túsetindigi anyq. Qarlyǵash SALYBAEVA, О́skemen qalasyndaǵy temirjol aýrýhanasynyń balalar dárigeri.        ________________________

ShYNAIY QAMQORLYQ JEMISI

Kitap – bilim bulaǵy. Osy bir qanatty sóz meniń ómirime erek­she iz qaldyrdy. Mektepte júrgen kezden-aq kitapqa erekshe qumar boldym. Osy qumarlyq aqyry meniń mamandyq tańdaýyma da yqpal etti.  Mine, 30 jyldan astam ýaqyttan beri men kitaphanashy bolyp eńbek etip kelemin. Eńbek jolymdy Sáken Seıfýllın atyndaǵy Aqmola (Selınograd) oblystyq kitaphanasynda bastaǵan edim. Búginde  Astanadaǵy Nazarbaev ortalyǵynda kitaphanashy bolyp eńbek etemin. Biz osy ýaqytqa deıin óz eńbegimizde Elbasynyń erek­she qamqorlyǵyn sezinip kele­miz. Jasyratyny joq, kitap­h­anashylar alatyn eńbekaqy  úlken emes.  Soǵan baılanysty bizge memleket tarapynan udaıy qam­qorlyq jasalyp keledi. Ústi­mizdegi jylǵy 14 aqpanda ótken Úkimettiń keńeıtilgen otyry­synda Memleket basshysy teńge baǵamynyń ózgerýine baıla­nysty halyqty áleýmettik jaǵynan qoldaýdyń keshendi sharalaryn usynǵan bolatyn. Úkimet otyrysynda Elbasy Nursultan Nazarbaev «Halyqty áleýmettik qoldaýdyń keshendi sharalaryn qabyldaý kerek. Ústimizdegi jyldyń 1 sáýirinen bastap memlekettik mekemeler men memlekettik qazynashylyq kásiporyndarynda qyzmet etetin azamattardyń eńbekaqylaryna aı saıyn 10 paıyz ústeme tólenýin qarastyrýdy tapsyramyn», dep atap kórsetti. Sonymen birge, Elbasy óziniń bıylǵy Joldaýynda 2015 jyldyń 1 shildesinen bastap azamattyq qyz­metkerlerge eń­bekaqy tóleý­diń jańa modelin jasaý týraly Úkimetke naqty tap­syr­­ma bergen bolatyn. Osy tap­syrmaǵa baılanysty áleý­mettik sala qyzmetkerleriniń qataryna kiretin bizdiń, kitapha­nashylardyń eńbekaqysy 40 pa­ıyz­ǵa deıin ósetinin estip bildik. Mine, erteń 1 sáýirden bas­tap eńbekaqymyz 10 paıyzǵa ósetin boldy. Bul biz úshin úlken áleýmettik qoldaý. Men árip­testerimdi osy shynaıy qam­qorlyqqa saı jemisti eńbek etýge shaqyramyn. Gúlnar ÁBDIRAHMANOVA, Nazarbaev ortalyǵynyń kitaphanashysy. ASTANA. _______

ALǴYSYMYZ ZOR

Elbasy teńge baǵamynyń ózgerýinen soń jedel jıyn ótkizip, memlekettik mekeme­ler men kásiporyndarda ju­mys isteıtin azamattyq qyz­met­kerlerdiń jalaqysyn ósirý jóninde tapsyrma bergen edi. Bul másele, eń aldymen, bilim, ǵylym, densaýlyq saqtaý, mádenıet, sport jáne áleýmettik qorǵaý sa­lasynyń qyzmetkerlerine baı­lanysty ekenin basa aıtty. Iаǵnı, sáýirdiń birinen bastap jalaqymyz 10 paıyzǵa kóteri­letin boldy. Árıne, bul – bizder úshin jaqsy jańalyq. Áne-mine degenshe, mine, sáýir de bolyp qalypty. Sátin salsa, aldaǵy aı­da Elbasy aıtqan 10 paıyz qosymshaǵa qol jetkizemiz dep kútip otyrmyz. О́tkende te­le­dı­dardan Prezıdenttiń osy tapsyrmasyna oraı áleýmettik kómek kólemin kóterý týraly zań Májiliste maquldanǵanyn estidik. Onda zeınetaqy, múgedekter men kópbalaly otbasylar sııaqty járdemaqynyń barlyq túri ósetin bolady delingen. Sondaı-aq muǵalimder men dárigerlerdiń de jalaqysy kóteriletini aıtyldy. Buǵan qajetti 116 mıllıard teńge bıýdjetten bólinipti. Bul memleket tarapynan bizderge ja­salǵan zor qamqorlyq dep bile­miz. Bizdiń úıde men de, meniń áıelim de muǵalim. Sondaı-aq, anam zeınetaqy alady. Iаǵnı, bul 10 paıyz ósim bizdiń otbasymyz úshin birshama kiris bolaǵaly tur. Ol úshin Elbasyna alǵysymyz zor. Baýyrjan DAÝYLBAIULY, muǵalim. Aqmola oblysy, Selınograd aýdany, Qajymuqan aýyly.