Oblysta ústimizdegi jyly «Aq bulaq» baǵdarlamasy aıasynda 12 nysan paıdalanýǵa berilmek. Jalpy, 2011-2013 jyldary oblysta atalmysh baǵdarlamaǵa 12,6 mıllıard teńge bólinip, 57 aýyldyq eldi mekendi aýyzsýmen qamtamasyz etý nysandarynyń qurylysy júrgizilse, 40 aýyldyq eldi mekenderde aýyzsý nysandary paıdalanýǵa berildi.
Sonyń nátıjesinde, búgingi tańda oblystyń 373 aýyldyq eldi mekeniniń 208 nemese 55,8 paıyzy ortalyqtandyrylǵan aýyzsýmen qamtamasyz etildi. Atalǵan aýyldyq eldi mekenderde 452 myńnan asa halyq turady.
Ústimizdegi jyly aýyldyq eldi mekenderdi sýmen qamtamasyz etý úshin 18 nysannyń qurylysyna jáne joba ázirleýge 4,2 mıllıard teńge bólindi. Onyń 12 nysanyn osy jyly paıdalanýǵa tapsyrý josparlanyp otyr.
Kósemáli SÁTTIBAIULY,
«Egemen Qazaqstan».
Jambyl oblysy.